loading...
„კლოვერფილდი10“ - ფილმი, რომელსაც ჯეი ჯეი აბრამსი გახმაურების გარეშე იღებს!

კინობიზნესში როგორც ასეთი, “მოულოდნელობა“არ არსებობს. ჩვეულებისამებრ, ყველა ახალი პროექტი ხმამაღალი სარეკლამო კომპანიებით გამოდის. კინო საიტები კი - ფილმის ირგვლივ სხვადასხვა მოპოვებული სიახლეების გამომზაურებას ახდენენ.
მიმდინარე კვირას, რეჟისორ მაიკლ ბეიას ფილმის, „13 საათი: ბენღაზის საიდუმლო ჯარისკაცები“ (13 Hours: The Secret Soldiers of Benghazi) ტრეილერი ვნახე და აღმოჩნდა, რომ მასზე მიკრული იყო მხატვრული ფილმის „კლოვერფილდის“ სიკველი - „კლოვერფილდი10“ (10 Cloverfield Lane). დღემდე, ამაზე არაფერი იყო ცნობილი. გადავწყვიტე ინფორმაციები შემეგროვებინა და თქვენთვის მომეწოდებინა.
2014 წელს აბრამსის კომპანიამ „Bad Robot“ და სტუდიამ „Paramount“ - განაცხადა, რომ პოსტაპოკალიფსური თრილერის სახელწოდებით - „ვალენსია“, მეორენაირად - „ბუნკერი“ - გადაღებას აპირებდა. აღმოჩნდა, რომ ამ მინიშნების ქვეშ, რეჟისორი დენ ტრაქტენბერგი ფლმის - „კლოვერფილდი“ - სიკველს დგამდა.
„პროექტის იდეა დიდი ხნის წინ მომივიდა, გადაღებების დროს - ამბობს ჯეი ჯეი აბრამსი - მინდოდა, რაღაც „კლოვერფილდის“ მონათესავე გადამეღო. იდეას რამდენიმე ხანი ვამუშავებდით, მაგრამ სურათის სათაური რაც შეიძლებოდა გავაჭიანურეთ“. შემდეგ კი ფილმს „კლოვერფილდი10“ დაარქვეს.
ფილმში სიუჟეტი ავტოავარიაში მოხვედრილი გოგონას ირგვლივ ვითარდება, რომელიც გონს მოსვლის შემდეგ, მისთვის გაუგებარ ვითარებაში, უცნობ მამაკაცთან ერთად აღმოჩნდება ბუნკერში. უცნობი მას უმტკიცებს, რომ დიდი ქიმიური აფეთქება მოხდა და ბუნკერს იქით არსებული სამყარო, შემზარავი სანახავია, რაც სიცოცხლისთვის ძალიან სახიფათოა.
ფილმში მთავარ როლს თამაშობენ კარგად ცნობილი ვარსკვლავები: მერი ელიზაბეთ უინსთედი და ჯონ გუდმანი. გასულ წელს მერიმ განაცხადა, რომ „ჩვენ ბუნკერში ორი თვე გავატარეთ ერთად და ეს მაგარი იყო“.
ერთ-ერთ კომენტარში, მსახიობი ამბობს: „ჩემს გმირს ატყობინებენ, რომ ატომური აფეთქების შემდეგ, სამყარო არ არესბობს. ეს რაღაცით 2014 წელს გამოსულ ფილმს „ხარვეზები“ (Faults) მიაგავს, რადგან არ იცი, ვინ გეუბნება სიმართლეს, ვის უნდა დაუჯერო. ვიღაც, ვიღაცით მანიპულირებს - ესეც არის ამ ფილმში. ტონალობის მიხედვით კი - „კლოვერფილდი10“, საკმაოდ განსხვავებულია, მაგრამ თემატიკა მსგავსია“.
ფილმის „კლოვერფილდი10“ წარმატების მოლოდინის რეიტინგი 94% -ია და მისი მსოფლიო პრემიერა 2016 წლის 10 მარტისთვისაა დაგეგმილი.

ნანახია 370 | 2016-12-04
სხვა სიახლეები
„ვალერიანი“ („Valerian“) - ფანტასტიური ჟანრის ფილმი, რომელშიც მსახიობი ითან ჰოუკი მიიწვიეს
ოსკარ აიზეკმა შეიძლება „უცხოელში“ ითამაშოს
ბერლინი -2016: მერილ სტრიპმა ყველაფერი სწორად გააკეთა
ევროპულმა კინოაკადემიამ ნომინანტები დაასახელა
"Ant-Man", „ადამიანი-ჭიანჭველა“ - ს გაგრძელებას, ისევ პეიტონ რიდი გადაიღებს!
სტივენ სოდერბერგი დიდ კინოში ბრუნდება!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა