loading...
ჯენიფერ ლოურენსი, მალე ახალ ტრაგი-კომედიაში „Joy“ – „ჯოი“

ცნობილი ფილმების: 2013 წელს გადაღებული - დრამა-კომედიის „Silver Linings Playbook“ – „ვერცხლისფერი პიესები“ და 2013 წელს გადაღებული - დრამა-დეტექტივის „American Hustle“ – „ამერიკული აფიორა“, რეჟისორმა დევიდ ო. რასელმა, კვლავ მოუყარა თავი ერთად, ცნობილ მსახიობებს: ჯენიფერ ლოურენსს, ბრედლი კუპერსა და რობერტ დე ნიროს ახალ ტრაგიკომედიაში - „ჯოი“.
ფილმის მსოფლიო პრემიერა 2015 წლის 24 ოქტომბერს შედგება. სცენარის ავტორებია: დევიდ ო. რასელი და ენი მუმოლო. პროდიუსერები გახლავთ: ჯონ დევისი, მეგან ელისონი, ჯონ გორდონი. ფილმის ოპერატორია ლინუს სანდგრენი. სურათზე მუშაობდა მხატვართა ჯგუფი: ჯუდი ბეკერის, პიტერ როგნესისა და მაიკლ უილკინსონის შემადგენლობით. მონტაჟზე იმუშავეს: ალან ბაუმგარტენმა, ჯეი ქესიდიმ და თომ კროსმა.
ფილმში მონაწილეობენ მსახიობები: ჯენიფერ ლოურენსი, რომელიც მთავარი გმირის ჯოი მანგანოს როლს ასრულებს, ბრედლი კუპერი (მთავარი სავაჭრო ქსელის დირექტორი), რობერტ დე ნირო (ჯოის მამა), ედგარ რამირესი (ტონი მირანა, ჯოის ქმარი), ელიზაბეთ რიომი (პეგი, ჯოის და), დეშა პოლანკო (ჯეკი, ჯოის საუკეთესო მეგობარი). ეპიზოდურ როლებს ასრულებენ: იზაბელა როსელინი, დაიან ლადი, ვირჯინია მედსენი, დონა მილზი, დრენა დე ნირო, ჯონ ინოსი და სხვანი.
ფილმის სიუჟეტი, ძირითადად რეალურ ამბავზეა დაფუძნებული. იგი ჯოი მანგანოს ისტორიაზე მოგვითხრობს. ჯოი მარტოხელა დედაა, რომელმაც სამი ბავშვი უნდა არჩინოს და ამის გამო, იძულებულია რამდენიმე სამუშაოს შეეჭიდოს. მისი მდგომარეობა მას შემდეგ შიცვლება, როცა ქალი თვითმოქმედ, იატაკის საწმენდ, საოცარ ჯოხს გამოიგონებს. ახალი გამოგონება, სასწრაფოდ აიტაცეს სავაჭრო ქსელებმა და ჯოიმაც მისი წყალობით, მილიონები იშოვნა. თუმცა, წარმატების გზაზე - ეკალბარდებიც აღმოჩნდება ხოლმე, რაც მთავარ გმირს, აიძულებს გადააფასოს საკუთარი შეხედულებები ისეთ თემებზე, როგორიცაა: ერთგულება, სიყვარული და ბიზნესი.
უნდა აღინიშნოს, რომ „ჯოი“ უკვე, ჯენიფერ ლოურენსისა და ბრედლი კუპერის, რიგით მეოთხე ერთობლივი ნამუშევარია. ეს ფილმებია: „ვერცხლისფერი პიესები“, „ამერიკული აფიორა“ და „სერენა“.

ნანახია 410 | 2017-05-29
სხვა სიახლეები
რაიან გოსლინგი საუკეთესო ფანტასტიური ფილმის სიქველში ითამაშებს
«Экипаж» - „ეკიპაჟი“ - უახლესი 3D-IMAX ციფრული კამერით გადაღებული, მეორე რუსული ფილმია
ჟერარ დეპარდიე სტალინის როლში!
«ერთხელ ოდესაში», „Однажды в Одессе“ - სერიალის მიმოხილვა
მალე! ემილია კლარკი ახალ ფილმში - «შენთან შეხვედრამდე» (Me Before You)!
რობერტ დაუნი უმცროსი “რკინის კაცისა“ და „კაპიტან ამერიკა“-ს ბრძოლის შესახებ

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა