loading...
ჯეიმს მაქევოი: «მე არასოდეს მყოლია მენტორი»

მიმდინარე წლის ნოემბრის დასაწყისში, ერთ-ერთ გამოცემასთან ინტერვიუში ცნობილმა მსახიობებმა: დენიელ რედკლიფმა და ჯეიმს მაქევოიმ ახალ ფილმზე - „ვიქტორ ფრანკენშტეინზე“ (Victor Frankenstein) - ისაუბრეს. სურათი, მწერალ მერი შელის რომანის მორიგი ეკრანიზაცია გახლავთ, რომელიც უდიდესი აღმოჩენის წინაშე მდგარ გენიოს მეცნიერზე მოგვითხრობს.
ფილმის უნიკალურობა იმაშია, რომ ყველა მოქმედებას ჩვენ იგორის თვალით ვუყურებთ, რომელიც ვიქტორ ფრანკენშტეინის დამხმარეა. თავად მონსტრი, აღნიშნულ სურათში განსაკუთრებულ როლს არ ასრულებს. აქ მთავარი ის არის, რომ მაყურებელმა მეგობრული ურთიერთობის ღირებულება შეიგრძნოს, ასევე შეიგრძნოს დანაკარგით გამოწვეული ტკივილი და ღალატის არსი... და ყველაფერი ეს არა მონსტრისგან, რომელიც ვიქტორ ფრანკენშტეინმა შექმნა, არამედ მთავარ გმირთა ურთიერთ დამოკიდებულებიდან უნდა განხორციელდეს.
ყველაფერი ასე დაიწყო: ერთ მშვენიერ დღეს, დენიელ რედკლიფმა სპექტაკლზე - „მაკბეტი“ - დასწრება გადაწყვიტა, რომელშიც ჯეიმს მაქევოი მონაწილეობდა. მსახიობები ერთმანეთს კულისებს მიღმა შეხვდნენ და ამ მომენტიდან მათ შორის ძლიერი მეგობრობა გაჩაღდა. მათ შორის ისეთი ქიმია წარმოიქმნა, რომელიც იოლად გადმოიტანეს ეკრანზე. ისინი ძალიან სწრაფად უგებენ ერთმანეთს ყველაფერს, თითქმის, უსიტყვოდ. ბიჭები ხალისიანად ხარხარებენ ერთსა და იმავე ხუმრობებზე.
დენიელი - საოცრად მორიდებული, კეთილი და პასუხისმგებლობით აღვსილი ადამიანია. ის ფრთხილი და პატიოსანი თვალებით შემოგცქერით, თითქოს ეშინია, რომ რაიმე არ გაწყენინოთ.
ჯეიმსი კი - პირიქით, ეშმაკურად იღიმება და სულაც არ ერიდება. უყოყმანოდ ხუმრობს ნებისმიერ თემაზე. მსახიობები ჩინებულად ავსებენ ერთმანეთს, რაც აშკარად მოწმობს იმას, რომ მათი მეგობრობა არა შემთხვევითი მოვლენაა, არამედ ბედისწერის აუცილებლობით განპირობებული ურთიერთობა.
სურათის რეჟისორია პოლ მაქგიგანი, მისი მსოფლიო პრემიერა 2015 წლის 25 ნოემბერს შედგა. აშშ-ში 3 435 000$ სარგებელი მოიტანა. მსოფლიო კინო გაქირავებაში კი - 13 461 142$. ფილმის ხანგრძლივობა 1 სთ-ი და 49 წთ-ია.

ნანახია 417 | 2017-06-24
სხვა სიახლეები
“ვარსკვლავური ომები” - რომლის მე -9 სერიის ფირზე გადაღების სურვილიც, კოლინ ტრევეროუმ გამოთქვა!
მალე ფილმში - «ადამიანები შავებში 4» - «Men in Black 4» - ქალ - აგენტს ვიხილავთ
«მაკბეტი» - «Macbeth» - განხილვა
ლეონარდო დი კაპრიომ, მეგობარ გოგონას ხელი შესთავაზა
სერიალ -„უტოპია“-ს სცენარისტი, -„სამყაროთა ომი Z“ -ის სიკველს დაწერს
2016 წლის ასი ყველაზე „მაღალი ნახვის მოლოდინის“ ფილმი

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა