loading...
ჰიროკაძუ კორედამ ახალ ფილმზე მუშაობა დაასრულა

იაპონელმა რეჟისორმა ჰიროკაძუ კორედამ, კანის კინიფესტივალის ლაურეატმა ფილმისთვის „როგორც მამა“ (Soshite chichi ni naru), თავისი ახალი სურათის გადაღება დაასრულა. სურათის სათაურია „უფრო ღრმა, ვიდრე ზღვაა“ (Umi yori mo Mada Fukaku) და ის იაპონიის კინო სივრცეში 2016 წლის 21 მაისიდან გამოჩნდება
ყველაზე ადრე ფილმს კანში უჩვენებენ. გასულ წელს, კორედამ კანში დრამა „უმიმაჩის დღიური“ (Umimachi Diary) ჩაიტანა. ფილმი საკონკურსო გახლდათ, მაგრამ ჟიურის ყურადღება ვერ მიიპყრო.
საყურადღებოა, რომ სტივენ სპილბერგის სტუდია DreamWorks - მა ფილმის „როგორც მამა“ (Soshite chichi ni naru) ინგლისურენოვანი რემეიკის უფლება იყიდა. ფილმს გადაიღებენ რეჟისორები: კრის და პოლ ვაიცები.
ფილმი - „უფრო ღრმა, ვიდრე ზღვაა“ (Umi yori mo Mada Fukaku) არატრივიალური ოჯახური დრამაა, რომელშიც მთავარ როლს იაპონური კინოსა და ტელევიზიის ვარსკვლავი ჰიროში აბე ასრულებს. მისი პერსონაჟი საშუალო ასაკის პერსონაჟია, რომელიც მუდამ ნახევრად შიშველი დადის. კორედის მუდმივი მსახიობი, კირინ კიკი - ფილმში მთავარი გმირის ტანჯული დედის როლს ასრულებს, ხოლო, იოკო მაკი - ყოფილი ცოლის.
სიუჟეტის მიხედვით, მწერალი რიოდა (აბე), რომელმაც ადრე თავისი თხზულებების გამო, მრავალი პრიზი დაიმსახურა, წარსულით ცხოვრობს. ის კერძო დეტექტივად მუშაობს და მთელ ფულს აზარტულ თამაშებში ხარჯავს. თავი ძლივს გააქვს და ალიმენტსაც ძლივს იხდის. მამის სიკვდილის შემდეგ, მწერლის დედა (კიკი) გადაწყვეტს შვილისგან მოშორებით განაგრძოს ცხოვრება. რიოტა პოულობს სახლში დასაბრუნებელ ძალებს და ცდილობს საერთო ენა გამონახოს შვილთან... და ზაფხულის ერთ დღეს ამოვარდნილი ქარიშხალი, ოჯახს აძლევს იმის საშუალებას, რომ კვლავ გაერთიანდნენ.
ჰიროკაძუ კორედამ ფილმის გადაღებები უკვე დაასრულა და ახლა მისი პოსტ-წარმოება მიმდინარეობს.

ნანახია 477 | 2017-10-23
სხვა სიახლეები
“ შავი პანტერას ” („Black Panther“) გადაღებას, რეჟისორ რაიან კუგლერს სთავაზობენ
«ექიმი ჰაუსის» და «ამერიკული ოჯახის» შერწყმა
ფილმის - “The Girl on the Train”- “გოგონა მატარებელში” -კინოგაქირავებაში გამოსვლის თარიღი, დასახელებულია!
ჯეიმს მაქევოი: «მე არასოდეს მყოლია მენტორი»
ნიკოლ ქიდმანის, ლილი ჯეიმსის, ვინს ვონის და ჯეიმს მაქევოის ქასთინგები:
ჯენიფერ ჯეისონ ლი, სერიალ «Twin Peaks»-ის მესამე სეზონში გამოჩნდება!

კომენტარი (0)
avatar
კინო სიახლეები
ნავიგაცია
სიახლე
loading...
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა