loading...
«ერთხელ ოდესაში», „Однажды в Одессе“ - სერიალის მიმოხილვა

გინდ ასე თქვი და გინდ ისე - ჭეშმარიტება ერთია! სოციუმის სისტემა, შექმნის დღიდანვე, ძალმომრეობასა და უსამართლობაზეა დაფუძნებული. კაცობრიობის არსებობის ნებისმიერ ეპოქაში, ერთი მუჭა „ძლიერნი ამა სოფლისანი“ ადგენდნენ კანონებს, რომლის მიხედვითაც „მდაბიოებს“ უნდა ეცხოვრათ!..
ისტორიულად განსხვავებულ ეპოქებს, ერთ რამეში აქვთ „განსაკუთრებული საერთო“ - მდიდრებსა და ღარიბებს შორის დამოკიდებულება: ზიზღი, სიძულვილი, შურისძიება, რასაც შედეგად სისხლიანი რევოლუციები მოჰყვება... იქმნება ახალი პოლიტიკური სისტემები, სოციალური ფორმაციები. მოდიან პოლიტიკური შარლატანები... ათასგვარი „იზმებით“ ტვინს გაუბურღავენ „უვიცებს“, მოჯდებიან თბილ სავარძლებში და იწყებენ იგივეს - რაც გენეტიკურად გადმოჰყვათ წინაპრებისგან - „შეღებე ფასადი და იბატონე!“...
მაგრამ, „საოცარ არს უფალო, საქმენი შენნი!..“ ყველა ეპოქას ჰყავდა შვილი, უბრალო ხალხის წიაღიდან გამოსული, რომელიც „უსამართლო სისტემურ კანონებს“ ბრძოლას გამოუცხადებდა და „უნიფხვოთა და უპოვართა“ სახალხო ქომაგი ხდებოდა. მსოფლიო ხალხთა ისტორია ცნობილია ასეთი გმირებით: ბრიტანეთი - „რობინ ჰუდით“, საქართველო - „არსენა ოძელაშვილით“, რუსეთი კი - „მიშკა იაპონჩიკით“.
ცნობილმა რუსმა რეჟისორმა, სერგეი გინზბურგმა 2011 წელს, სცენარისტ მაქსიმ ბელოზორთან ერთად, შექმნა წარმატებული პროექტი, „ერთხელ ოდესაში“,«Однажды в Одессе» (Жизнь и приключения Мишки Япончика).
სერიალის მსოფლიო პრემიერა 2011 წლის 9 ნოემბერს გაიმართა, ხოლო, 2012 წლის 31 იანვრიდან - მისი DVD გაყიდვა დაიწყო. სერიალში მონაწილეობენ რუსეთის ცნობილი მსახიობები: ევგენი ტკაჩუკი (მიშკა იაპონჩიკი), ელენა შამოვა (ცილია აცერმანი, მიშკას ცოლი), ეკატერინა კოპანოვა (სოფოჩკა ავერმანი), ალექსეი ფილომონოვი (იზია მაიორჩიკი), ვადიმ ნორშტეინი (იაშა პალჩიკი), ილია ლიკოვი (ლევ მაისკი), იგორ არტაშონოვი (გულია), ოლგა კუზმინა (როზა, კაბარეს მომღერალი), საბინა ახმედოვა (ზოია ტორი), სერგეი მარინი (ოსიპ ტორი) და სხვები.
სერიალის პროდიუსერები არიან: ვიტალი ბორდაჩევი, ვლად რიაშინი და ელიზავეტა ტროიცკაია (შემსრულებელი პროდიუსერი). პროექტის კომპოზიტორი - ვლადიმირ დავიდენკოა, ხოლო, ოპერატორი - ედუარდ მოშკოვიჩი. სერიალის მხატვრულ გაფორმებაზე მუშაობდნენ: ნიკიტა ჩერნოვი, ანდრეი პლატოვი, სვეტლანა ლიტვინოვა, ვლადიმირ ნამესტნიკოვი, იგორ ტრიშკოვი და სხვები.
სერიალი - დეტექტივის, დრამისა და მელოდრამის ჟანრს განეკუთვნება. პროექტი ერთ სეზონიანია და 12 სერიისგან შედგება. ერთი სერიის ხანგრძლივობა 50 წუთია. ყურება დაშვებული 16+ ასაკისთვის.
სერიალის მთავარი გმირი - მიშკა იაპონჩიკი (მოშე ვინიცკი), ოდესის მხოლოდ ჩვეულებრივი ყაჩაღი როდი იყო. ის ამ ქალაქის კოლორიტიც გახლდათ. იყო ქურდების მეფე, გყავდეს მთელი ქალაქი შიშში და იმავდროულად ხალხისთვის საყვარელი ადამიანიც იყო, მხოლოდ არაორიდინალურ პიროვნებას შეუძლია. მისი პოპულარობა კოლოსალურია - მასში ხედავენ „რობინ ჰუდს“, რომელიც ხალხისთვის ზრუნავს...
მიშკამ თავის კოდექსი „დაამტკიცა“ : „ღარიბები არ გაძარცვოთ, არ შეეხოთ ექიმებს, არ შეეხოთ იურისტებს და მსახიობებს!..“
მისი „თავდასხმები“ სულ უფრო არტისტული და გონებამახვილური ხდებოდა. მაგრამ ისინი პატარა სპექტაკლებს ჰგავდა...
მისი სული უფრო ღრმა იყო: დღესასწაულებს მართავდა ახალგაზრდებისთვის, აქეიფებდა მომხიბვლელ მოლდოველ გოგონებს, უმუშევარ მტვირთავებს ფულით უზრუნველყოფდა, ახალ დაქორწინებულებს პროდუქტებით ამარაგებდა და ფულით ეხმარებოდა. უსახლკაროებს და ობლებს მფარველობდა და ბანდიტური თავდასხმების მსხვერპლ ოჯახებს, დანაკარგს უნაზღაურებდა...
ის სულ სამი წელი იყო „მეფე“! 1917 წლის დასაწყისიდან, 1919 წლის ბოლომდე. ეს იყო ყველაზე სამი ნათელი წელი მის ცხოვრებაში, გადატვირთული ისეთი მოვლენებით, როგორსაც სხვები, მთელი ცხოვრების მანძილზე ვერ ეღირსებოდნენ...
ასე ჰყავს სცენარის ავტორს წარმოდგენილი მე-20 ს-ის ლეგენდა მოშე ვინიცკი. რა არის აქედან სინამდვილე და რა გამონაგონი, ეს მაყურებლისთვის მიგვინდვია... ერთი კი ცხადია - მიშკა იაპონჩიკი, რუსეთის „ძმათა მკვლელი“ ბოლშევიკური რევოლუციის ქადაგად არ დავარდნილა ვალოდია ლენინივით... და „უნიფხვო მტარვალთა წითელი ურდო“ არ შეუქმნია, რომლსაც მდიდართა და ინტელიგენტთა ხოცვის არაადამიანური ჟინი ჰკლავდა! ვალოდია ლენინი სატანის ნება იყო!.. მიშკა კი... მიშკა თავისუფლებისა და სამართლიანობის შვილი ... ერთადერთი და უკანასკნელი „მოჰიკანი მისი ეპოქისა“ ...
რა შეიძლება ითქვას, თავად პროექტის მხატვრული მხარისა და პერსონაჟების განსახიერებაზე?
სერიალი იმდენად დატვირთულია მძაფრი სიუჟეტებით, რომ მხოლოდ ჩასაფრებული კინოკრიტიკოსი, თუ მოიცლის ისეთი ტექნიკური ხასიათის შეცდომების სტატისტიკის დაფიქსირებისთვის, როგორიც გახლავთ:

1. - ეპიზოდი, როდესაც ამხანაგი სოკოლოვსკაია (როლს ანსახიერებს იანა პოპლოვსკაია), სატვირთო ავტომობილ ЗиС-5-დან, რომელის გამოშვებაც მოსკოვში 1933 წლიდან დაიწყო, აგიტაციას ეწევა.

2. - ოდესაში არასოდეს ყოფილა ვიწროლიანდაგიანი სამგზავრო რკინის გზა.

3. - ერთ-ერთ სცენაში, კატაფალკაზე შემდგარი მიშკა იაპონჩიკი, ტყვიამფრქვევ „მაქსიმიდან“ ისვრის, რომელიც არაუადრეს 1943 წლის გამოშვებისაა და სხვა ამგვარი...

განუმეორებლად ასრულებს მიშკას როლს მსახიობი ევგენი ტკაჩუკი, კრიტიკოსები ერთხმად აღიარებენ მის ვირტუალობას და ზოგი სინანულსაც გამოთქვამს, რომ მსახიობის მიერ შესრულებული ზოგიერთ სახასიათო როლი არ უნახავს...
კურიოზი კი ის გახლდათ, რომ თავდაპირველად, ევგენი ტკაჩუკი, მეიერ საიდერის, მეტსახელად "მაიორჩიკის", იაპონჩიკის მეგობრისა და ადიუტანტის როლზე დაამტკიცეს... რას იზამ, შეცდნენ... მაგრამ რეჟისორის მახვილმა თვალმა მალე "დაიჭირა" სახე, რომელმაც ასე პოპულარული გახადა აღნიშნული პროექტი და მთავარ როლში ევგენი ტკაჩუკი აიყვანა... მან ბრწყინვალედ განასახიერა ეს ქარიზმატული და არაორიდინალური გმირი. სერიალის შემდეგ, მსახიობის პოპულარობა ერთიორად გაიზარდა რუსულ კინოსამყაროში. მასზე მეტს ვერაფერს იტყვი... იგი თავის ტალანტის წყალობით იმდენად ბრწყინვალეა, რომ ყოველი სიტყვა ლიტონია...
ასევე დამაჯერებელ და ემოციურ სახეებს ქმნიან მეორე ხარისხოვანი, თუ ეპიზოდური როლების განმასახიერებელი მსახიობები.
სერიალის ყველა ეპიზოდი მძაფრ განწყობას უქმნის მაყურებელს და მოდუნების საშუალებას არ აძლევს მას. მიმზიდველია პროექტის მუსიკალური გაფორმებაც. მელოდიები თანხვედრაშია გმირთა სულიერ განცდებთან.
რაც შეეხება სერიალის ტექნიკურ მხარეებს: დეკორაციების სიზუსტეს, სპეცეფექტებს, აქ იმაზე მეტს ვერ მოითხოვ, რაც რუსულ კინოს დღესდღეისობით არ შეუძლია, თუმცა, ის ძალიან ახლოს დგას რეალობასთან და უფრო ბუნებრივია...

ნანახია 674 | 2016-12-05
სხვა სიახლეები
მალე! ემილია კლარკი ახალ ფილმში - «შენთან შეხვედრამდე» (Me Before You)!
ჯოზეფ გორდონ-ლევიტის ინტერვიუ საჰაერო გასეირნებასა და შთაგონებაზე
ჯერემი რენერი, ლეგენდარული მოკრივის - როკი მარჩიანოს როლს შეასრულებს!
ჟერარ დეპარდიე სტალინის როლში!
ფილმი „გოძილა კინგ-კონგის წინააღმდეგ “, 2020 წლისთვის გამოვა ფართო ეკრანებზე
ფილმის - “The Girl on the Train”- “გოგონა მატარებელში” -კინოგაქირავებაში გამოსვლის თარიღი, დასახელებულია!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა