loading...
«ექიმი ჰაუსის» და «ამერიკული ოჯახის» შერწყმა

„ლევიათანისა“ და „სტალინგრადის“ პროდიუსერი, ალექსანდრ როდნიანსკი და მისი კომპანია «Нон-Стоп Продакшн» ამერიკული ტელეჰიტების: „ექიმი ჰაუსის“ და „ამერიკული“ ოჯახის შერწყმის რუსულ ვარიანტზე მუშაობს. ჯერჯერობით, სანამ ეს პროექტი დამუშავების პროცესშია, კომპანია ლევ ტროცკიზე სერიალითაა დაკავებული.
ეს სერიალი, რომლის სახელწოდებაც იქნება - „სსრკ-ს მტერი“ («Враг СССР»), ცნობილ რევოლუციონერ ტროცკიზე მოგვითხრობს. პროექტის სცენარი, პავლე ჩუხრაიმ დაწერა, რომელიც ცნობილია პროექტების: „ქურდი“ „Вор“ და „მძღოლი ვერასთვის“ „Водитель для Веры“, სცენარებით.
„კომპანიას უკვე აქვს საერთაშორისო პროექტების დიდი გამოცდილება, მაგრამ „სსრკ-ს მტერი“, პირველი გამოცდა იქნება საერთაშორისო სერიალების წარმოებაში. ეს იქნება: რუსეთის, საფრანგეთის, მექსიკისა და აშშ-ს ერთობლივი ნაწარმოები. სცენარი უკვე მზადაა და გამოგიტყდებით, რომ მან ძალიან დიდი შთაბეჭდილება დატოვა პროექტის ყველა მონაწილეზე“ - განაცხადა როდნიანსკიმ.
თუ ვინ იქნება პროექტის რეჟისორი - ჯერჯერობით, გასაიდუმლოებულია. ოღონდ, ცნობილია ის, რომ მომავალი რეჟისორი „ოსკარის“ პრემიის ლაურეატია.
ცხადია, „სსრკ-ს მტერი“ - კომპანია «Нон-Стоп Продакшн»-ისთვის პირველი გამოცდა არ იქნება სერიალის ჟანრობრივი თვალსაზრისით. მისი წარმოებით, 2012 წელს გამოვიდა რეჟისორ სერგეი სნეჟკინის 8 სერიანი სურათი „თეთრი გვარდია“ (Белая гвардия), რომელიც მწერალ მიხაილ ბულგაკოვის რომანის მიხედვით შეიქმნა. ხოლო, 2014 წელს მწერალ დოსტოევსკის რომანის მიხედვით რეჟისორ ვლადიმირ ხოტინენკოს მიერ გადაღებული სერიალი - „ეშმაკები“ (Бесы) იხილა მაყურებელმა.
რაც შეეხება „დოქტორ ჰაუსისა“ და „ამერიკული ოჯახის“ ადაპტაციის რუსულ ვარიანტს, ეს პროექტები კომპანიამ უკვე შეისყიდა. იმავე სტადიაზეა მრავალსერიანი ფილმის „ეკიპაჟი“ - პირველი სეზონი, რომელსაც არანაირი კავშირი არააქვს ალექსანდრ მიტის კლასიკურ და ახალ ვერსიასთან, რომელიც ნიკოლაი ლებედევმა გააკეთა.
ალექსანდრ როდნიანსკის კომპანია, მუშაობას განაგრძობს სრულმეტრაჟიან მხატვრულ ფილმებზეც: ალექსი მიზგირევის მასშტაბური საერთაშორისო პროექტი -„დუელისტი“ (Дуэлянт) პოსტწარმოების პროცესშია. ანდრეი ზვიაგინცევი კი - ახალი ფილმის „Нелюбовь“, გადასაღებად ემზადება. ფილმის სიუჟეტი, ჯერჯერობით, არ არის გახმაურებული. თუმცა, ადრე როდნიანსკი ამბობდა, რომ: „ეს ძალიან თანამედროვე და აქტუალური ისტორიაა, რომელიც ყველაზე მნიშვნელოვან ადამიანურ ურთიერთობებს შეეხება“. ფილმის გადაღება მიმდინარე წლის ზაფხულ-შემოდგომაზე გაიმართება.

ნანახია 335 | 2017-03-29
სხვა სიახლეები
„ბრაზიანი ჩიტები კინოში“ - ახალი მულტფილმი, რომელსაც მალე იხილავთ ეკრანებზე!
„პატარა პრინცი“ ბერლინში უჩვენეს!
THR -ში სცენარისტმა, ახალი «კერკეტი კაკალის» იდეა გამოაქვეყნა
რუპერტ სანდერსის ფილმში - «მოჩვენება აბჯარში» - მთავარ როლს, ეურონა გრეიჯოიას განმასახიერებელი, იოჰან ასბეკი შეასრულებს
ჟერარ დეპარდიე სტალინის როლში!
«Steve Jobs» - «სთივ ჯობსი» - ამერიკულ კონოგაქირავებაში ჩავარდა!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა