loading...
“ეგვიპტის ღმერთები” (Gods of Egypt) - მსოფლიო პრემიერა 2016 წ-ის 24 თებერვლიდან!

მიმდინარე წლის 24 თებერვლიდან მსოფლიო კინოგაქირავებაში ჩაიდო რეჟისორ ალექს პროიასის ფენტეზურ-სათავგადასავლო კინოპროექტი - „ეგვიპტის ღმერთები“ (Gods of Egypt). ფილმი აშშ-სა და ავსტრალიის ერთობლივი ნაწარმოებია. ფილმის სლოგანია - «All of Heaven is at war»!
პროექტის სცენარი შექმნეს: მეთ საზამამ და ბერკ შარპლესმა. პროდიუსერებია: ბეზილ ივანიკი, ალექს პროიასი, ბრაიან ბუკმანი, ტოფერ დაუ, სტივენ ჯონსი, კენ კუბენა და მაიკლ პასერნეკი. ოპერატორია - პიტერმენზიეს უმცროსი. ფილმისთვის მუსიკა კომპოზიტორმა მარკო ბელტრამიმ შექმნა. გაფორმებაზე მუშაობდა მხატვართა ჯგუფი შემდეგი შემადგენლობით: ოუენ პატერსონი, იენ გრეისი, სოფი ნეში, მაიკლ ტერნერი, ლიზ კეოგი და ნიკი გარდინერი.მონტაჟი რიჩარდ ლიროიდს ეკუთვნის.
ფილმის ბიუჯეტი $140 000 000 შეადგენს. ფილმის ყურება 13 წლამდე ბავშვებისთვის არა სასურველია. სურათის ხანგრძლივობა 02 საათი 07 წუთია.
ფილმში მთავარ როლს ასრულებს ცნობილი ბრიტანელი მსახიობი ჯერარდ ბატლერი, რომელიც ცნობილია საუკეთესო ფილმებით: „კანონმორჩილი მოქალაქე“ (Law Abiding Citizen), „ძვირფასო ფრენკი“ (Dear Frankie), „ოპერის მოჩვენება“ (The Phantom of the Opera), „როკენროლა“ (RocknRolla) და „ტალღების დამპყრობლები“ (Chasing Mavericks).
სურათში მონაწილეობენ მსახიობები: ნიკოლაო-კოსტერ ვალდაუ, ელოდი იუნგი, ები ლი, ბრენტონ ტუეინტი, ჯეფრი რაში, რუფუს სიუელი, ჩედვიკ ბოუზმანი, ემა ბუტი, ბრიუს სპენსი, ბრაიან ბრაუნი, ემილი უიტონი, გორან დ’კლიუე, მარიშა ლამონიცა, რეიჩელ ბლეიკი და სხვ.
ფილმის მოკლე სიუჟეტის მიხედვით: ოდესღაც აყვავებული და მშვიდობიანი ეგვიპტის სამეფო ქაოსშია გახვეული. სიბნელის დაუნდობელი ღმერთი სეთი, საკუთარ ძმას - სიცოცხლის ღმერთს, ოსირისს მოჰკლავს და ტახტს უკანონოდ დაეუფლება. ოსირისის შვილი გორი, რომელიც ზეცის ღმერთია, ცდილობს მამის მკვლელზე შური იძიოს.
სეთს, მოულოდნელად წინ აღუდგება უბრალო მოკვდავი, მოხერხებული ახალგაზრდა ქურდი სახელად ბეკი. მას სულაც არ ადარდებს ღმერთების საქმე, მაგრამ რა ჰქნას? თუკი ის სეთს დაამარცხებს, მაშინ ძლევამოსილი სიცოცხლის ღმერთი გორი, ქურდის შეყვარებულს მკვდრეთით აღადგენს და სიცოცხლეს დაუბრუნებს. ამ რთულ ბრძოლაში ბეკსა და ღმერთ გორის, სიყვარულის ქალღმერთი - ჰათჰორი ეხმარება!
შინაარსობრივი დატვირთვით ფილმი, შეიძლბა ითქვას, რომ არაფრით გამოირჩევა. მაგრამ მისი ჟანრისთვის დამახასიათებელ ნორმატივებში ვფიქრობ, რომ ჯდება. არც ფენტეზისთვის დამახასიათებელი ვიზუალური ეფექტები ჩანს ურიგო. მოკლედ ერთ ნახვად ღირს!

ნანახია 1097 | 2017-05-27
სხვა სიახლეები
ალექსანდრა დადარიო, პროექტს «მალიბუს მაშველები» - «Baywatch» შეუერთდა
«Furious 8» - «ფორსაჟ 8» -ს, მხატვრული ფილმის - „პირდაპირ კომპტონიდან“ - რეჟისორი გადაიღებს
85 წლის მსახიობ ივან კრასკოს, ახალგაზრდა - 24 წლის მსახიობი ცოლი ორსულადაა?
ახალი ფილმის, „მტაცებელი“ - „Predator“, სცენარი უკვე მზადაა
“ვარსკვლავური ომები: ძალთა აღზევება” და დეიზი რიდლის ინტერვიუ
“კერკეტი კაკალი”, ამერიკელთა აზრით საშობაო ფილმი არ არის!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა