loading...
„დედპული“ (Deadpool) - მძაფრსიუჟეტიანი ფანტასტიურ-სათავგადასავლო კომიქს-ფილმი, რომელიც თიმ მილერმა გადაიღო.

სულ ახლახან, ინტერნეტ ქსელებში მძაფრსიუჟეტიანი სათავგადასავლო კინოკომიქსის -„დედპული“ (Deadpool), რიგით მეორე, უცენზურო ტრეილერი გამოჩნდა. ამიტომ, გადავწყვიტე ზოგადი ინფორმაცია მომეწოდებინა თქვენთვის იმ ფილმის შესახებ, რომლის პრემიერაც მსოფლიო კონოთეატრებში 2016 წლის 4 თებერვლიდან გაიმართება.
ფილმის მწარმოებელი სტუდიებია: Marvel Enterprises, TSG Entertainment, Twentieth Century Fox Film. რეჟისორობა წილად ხვდა თიმ მილერს, რომელსაც გადაღებული აქვს ფილმები „ქვის თევზი“ და „დეიდა ლუიზა“. სცენარზე მუშაობდნენ: რეტ რიზი, პოლ ვერნიკი, რობ ლაიფელდი და ფაბიან ნიციეზე. ფილმის ოპერატორია - კენ სენგე. კომპოზიტორია - ჯანკი ექსელი. სურათზე მუშაობდნენ მხატვრები: შონ ჰავორტი, ნაიჯელ ევანსი, ენგუს სტრეტაი და შენონ გოთლიბი. ფილმის მონტაჟი კი - ჯულიან კლარკს ეკუთვნის.
ფილმში მთავარ როლებს მორენა ბაკარინი და რაიან რეინოლდსი ასრულებენ. მათ მხარს უმშვენებენ ისეთი მსახიობები, როგორებიცაა: ჯინა კარანო, ედ სკრეინი, სთენ ლი, ტიჯეი მილერი, რეიჩელ შინი, ანდრე ტრიკოტე და სხვები.
რაიან რეინოლდსი მთავარი გმირის, დედპულის (ყოფილი სპეცრაზმელის, უეიდის) როლს თამაშობს.
მორენა ბაკარინი კი - ფილმში უეიდ უილსონის, დედპულის შეყვარებულის როლს ასრულებს. ამ როლზე რამდენიმე მსახიობი იყო გამიზნული და მათ შორის მორენამ გაიმარჯვა. მსახიობი ცნობილია, როგორც ვარსკვლავი სერიალებიდან: „ციცინათელა“, „გოთემი“, „სამშობლო“ და კომედიიდან „ჯაშუში“.
ხოლო, ჯინა კარანო კი ფილმში - მუტანტის როლს ასრულებს, რომელსაც სახელად „ანგელოზის მტვერი“ ჰქვია. ჯინა კარანოს მაყურებელი კარგად იცნობს სერიალიდან „თითქმის ადამიანი“, ხოლო, „სამეფო კარის თამაშებიდან“, როგორც დაარიო ნაჰარისის პირველი როლის შემსრულებელს. ცნობილია ასევე ფილმიდან „ფორსაჟი 6“.
„დედპული“ გამომცემლობა Marvel - ის კომიქსების გამოგონილ ანტიგმირია. ის მოიერიშე მებრძოლია, რომელიც უახლესი ტექნოლოგიებითაა აღჭურვილი. თაყვანისმცემლებს შორის საყოველთაოდაა ცნობილი მისი ხუმრობები და შავი იუმორი. სანამ დედპული გახდებოდა, მანამ ის სპეცნაზელი იყო დაუეიდ უილსონი ერქვა. იგი კიბოთი იყო დაავადებული და მასზე სამხედრო ექსპერიმენტი ჩაატარეს- რის შედეგადაც რეგენერაცია განიცადა, მაგრამ სახე დაუმახინჯდა. ამ ექსპერიმენტის შედეგად უეიდი მუტანტ „დედპულად“ გადაიქცა. ამ ექსპერიმენტის წყალობით, მან უჯრედების სწრაფად აღდგენის თვისება შეიძინა და პრაქტიკულად უვნებელი გახდა.
როგორც ასეთი - „დედპულის სახე“ - მხატვარმა რობ ლაიფელდმა და მწერალმა ფაბიან ნიზიეზომ შექმნეს და პირველად ის 1991 წელს გამოჩნდა კომქს «The New Mutants» #98 -ში. დედპულმა ჟურნალ Wizard - ის სიაში: „ყველა დროის კომიქსების 200 საუკეთესო პერსონაჟი“ – 182-ე ადგილი დაიკავა. 45-ე ადგილი დაიკავა ურნალ Empire -ს სიაში: „კომიქსების 50 საუკეთესო პერსონაჟი“. ხოლო, 2011 წლის მაისში IGN-ის სიაში: „ყველა დროის კომიქსების ასი საუკეთესო პერსონაჟი“ - 31-ე ადგილზე გამოჩნდა. „ დედპული“ მოლოდინის რეიტინგიან ფილმებს შორის ტოპ ათეულში 95% -ით მერვე ადგილზეა.

ნანახია 928 | 2016-12-03
სხვა სიახლეები
სპილბერგს სურს - ფორდი კვლავ ინდიანა ჯონსის როლში გადაიღოს!
სერიალი „Fear the Walking Dead“ – „გეშინოდეთ მოსიარულე მკვდრების“ განხილვა
«კანის» 69-ე ფესტივალის მოლოდინი
«მუმია» ფართო ეკრანებზე კვლავ ბრუნდება, სადაც მთავარი მონსტრი ქალი იქნება!
ჟერარ დეპარდიე სტალინის როლში!
ტომ ჰარდი სერიალში - «Taboo» - «ტაბუ» ითამაშებს

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა