loading...
ბერლინი -2016: მერილ სტრიპმა ყველაფერი სწორად გააკეთა

მერილ სტრიპის მიერ ჟიურის პრესკონფერენციაზე წარმოთქმული ფრაზის - „ჩვენ ყველანი აფრიკელები ვართ“ - შემდეგ, რამდენიმე ჟურნალისტმა ეჭვი შეიტანა მსახიობის კვალიფიკაციაში: შეძლებს კი, ის მაქსიმალურად ობიექტურად გასცეს ჯილდოებიო? მაგრამ ბერლინის 66-ე კინოფესტივალის დახურვის ცერემონიალზე, როცა „ოქროს დათვი“ დოკუმენტურ ფილმს, „Fuocoammare“ – „ცეცხლი ზღვაში“ გადაეცა, ცხადი გახდა, რომ მან ყველაფერი სწორად გააკეთა!
როგორც წესი, ჟიურის გადაწყვეტილება კოლეგიალურად ითვლება, მაგრამ მხოლოდ პრეზიდენტს შეუძლია მას ვეტო დაადოს ან პირიქით, ლობირება გაუწიოს იმ ფილმს, რომელიც მას მოეწონა.
„ბერლინალეს“ ბოლო დღეებში, მთავარ ხუმრობა მიმართული იყო ფილიპინელი რეჟისორის, ლავა დიასის რვა საათიანი ფილმისკენ. როგორც ცნობილია, როცა სურათი „ოქროს დათვს“ მიიღებს, მის დემონსტრირებას დაჯილდოვების ცერემონიალის დასრულებისთანავე იწყებენ. „ძალიან გვსურს ვიხილოთ, თუ როგორ გამოვლენ ადამიანები საღამოს კაბებსა და სმოკინგებში, დილის ხუთ საათზეო“ - განაცხადეს რეპორტიორებმა. მაგრამ არ გამოუვიდათ!
მართალია, კინოსურათი - „Hele sa Hiwagang Hapis“ – „იავნანა სევდიანი საიდუმლოსთვის“, პრიზის გარეშე არ დარჩენილა: ლავ დიასმა „ოქროს დათვი“ მიიღო „კინოში ახალი პერსპექტივებისთვის“, პრიზი, რომელიც ალფერდ ბაუერის სახელს ატარებს. მაგრამ რეჟისორმა ჯილდოს გადაცემისას განაცხადა: „ვემადლიერები ბერლინალეს ამ რისკისთვის. თუმცა, ფილმი მოკლეა. ეს პრიზი მინდა ყველა იმათგანს მივუძღვნა, ვისაც მსოფლიოს შეცვლა სურს!“-ო.
ბერლინის კინოფესტივალის პროგრამული დირექტორი, დიტერ კოსლიკი ფრიად კმაყოფილი გახლდათ, რადგან 18 თებერვლის საღამოზე, 310 000 ბილეთი გაიყიდა. დამსწრეთა მიხედვით, ეს ფესტივალი თავის სახელს ამართლებს, როგორც ერთ-ერთი ყველაზე სახალხო კინოფესტივალი.
სცენაზე ჯილდოების გადაცემის წინ, კოსლიკმა გაიხსენა, თუ როგორ განიცდიდა პირველად წითელ ხალიჩაზე ფეხის დადგმას, რომელიც დილის ცხრაზე დაიწყო.
მერილ სტრიპი მშვიდად გამოიყურებოდა, იღიმოდა. ჟიურის კი - დაძაბულობა არ ეტყობოდა. კერძოდ, კლაივ ოუენი კი - თავის კოლეგებისგან მოშორებით მჯდომი უყურებდა ფილმებს. მაგრამ ცერემონიის დახურვის მხედვით თუ ვიმსჯელებთ, იგი კმაყოფილი დარჩა. თუმცა, ოუენი, როგორც მერილ სტრიპი, ჩინებული მსახიობია და შესაძლოა, ორივენი სიმშვიდესა და დიდსულოვნებას თამაშობდნენ?
„გონიერი თავები ერთნაირად აზროვნებენ, ამიტომაც არ ვკამათობდით“ - შენიშნა სტრიპმა. ის პირადად გადასცემდა პრიზს „ქალის საუკეთესო როლისთვის“ და აღნიშნავდა, რომ მსახიობი, რომელსაც ახლა დააჯილდოვებდა, „ნამდვილად ცოცხლობდა კადრში“ და ის დანიელი ტრინე დიურჰოლმი აღმოჩნდა, რომელმაც ფილმში „Kollektivet“, „საზოგადოება“, შეასრულა ქალის როლი, რომელიც ოჯახის დაშლის წინაშე დგას და საკმაოდ უჩვეულო პირობებში იბრძვის მისი შენარჩუნებისთვის.
ტრინე სცენაზე შემდეგი სიტყვებით გამოვიდა: „ეს წარმოუდგენლად ამაღელვებელია! მერილ, მე შენი დიდი თაყვანისმცემელი ვარ!“ მსახიობს სურადა მივარდნოდა და გადახვეოდა ჟიურის პრეზიდენტს, მაგრამ ბოლოს გადაწყვიტა სიტყვა ეთქვა. „ტომას (ვტენბერგი), შენ ბრწყინვალე რეჟისორი და შესანიშნავი ადამიანი ხარ. მადლობა გადამღები ჯგუფის ყველა წევრს, მსახიობებს, პროდიუსერებს, კომპანია Zentropa-ს, ჩემს ქმარს. ჩემთვის ეს განსაკუთრებული მომენტია. მე მეშვიდე ჩამოვდივარ აქ - ბერლინალე ჩემი კომუნაა! მადლობა ჟიურის ამ ჯილდოსთვის, მადლობა ფესტივალს, რომელიც მიყვარს. ახლა ყველას გადაგკოცნით!“
რეჟისურისთვის პრიზი მია ჰანსენ-ლიოვს გადაეცა დრამისთვის „L'avenir“ – „მომავალი“. რეჟისორმა ძლივს მოუყარა თავი სიტყვებს, აშკარად ჩანდა, რომ პრემიას არ ელოდა. „გმადლობ დიტერ, რომ ჩემი ფილმი აირჩიე. მერილ, არაფერია იმაზე სასიამოვნო, რომ თქვენგან მიიღო პრიზი. მაგრამ ყველაზე მეტად იზაბელ იულიერს მინდა ვუთხრა მადლობა იმისთვის, რომ დამიჯერა მე და მთელი თავისი ენერგია ფილმში ჩადო“.
კიდევ ერთი მსახიობიც ჩავარდა ასეთ სიტუაციაში. ეს დენის ტანოვიჩი გახლდათ, რომელმაც ჟიურისგან გრან-პრი მიიღო ფილმისთვის „Smrt u Sarajevu“ - „სიკვდილი სარაევოში“. იგი მეტად ლაკონური გახლდათ: „ვწუხვარ. მე არაფერი დამიწერია. მადლობას ვუხდი ჩემს პროდიუსერებს, რომელთა წყალობითაც შევძელი ფილმის დასრულება. იყო დრო, როცა ვფიქრობდი, რომ ვერ შევძლებდი მის დასრულებას“.
ფესტივალის მთავარი ჯილდოს გადაცემის წინ, მერილ სტრიპმა, ჟიურის მაგიდა მოაწესრიგა, სადაც გამარჯვებულთა კონვერტები იყო მიმობნეული. მან ჩაილაპარაკა: “მიყარ-მოყარეს, უნდა დავალაგო!“ და რამდენიმე წამში „ოქროს დათვი“ იტალიელ რეჟისორს ჯანფრანკო როზის გადასცა ფილმისთვის „Fuocoammare“ – „ცეცხლი ზღვაში“. ეს ჯილდო დოკუმენტურმა ფილმმა არა მარტო ლტოლვილთა თემატიკისთვის, არამედ ასევე, პატარა კუნძულ ლამპედუზაზე არსებული ცხოვრების ბრწყინვალე ასახვისთვისაც მიიღო. ცერემონიაზე როზი მარტო არ მოსულა. მას თან ახლდა თავისი ფილმის გმირი, დოქტორი პეტრო ბარტოლო, რომელიც კუნძულის ერთადერთი ექიმია.
აღსანიშნავია, რომ 2013 წელს ჯანოფრანკო როუზის დოკუმენტურმა ფილმმა - „Sacro Gra“ – „წმინდა გრაალი“, ვენეციის კინოფესტივალზე „ოქროს ლომი“ მიიღო. პრემია მას ჟიურის თავმჯდომარემ ბერნარდო ბერტოლუჩიმ გადასცა.
„მადლობა ფესტივალს, რომ საკმაოდ მამაცი აღმოჩნდა და კონკურსს დოკუმენტური ფილმი დაამატა - თქვა სცენაზე ასულმა რეჟისორმა - ლამპედუზა მეთევზეთა კუნძულია. მეთევზეები კი - ყველაფერს ღებულობენ, რასაც მათ ზღვა მოუტანს“. როსომ ასევე აღნიშნა, რომ ფილმზე მუშაობის დროს, პრაქტიკულად თავისი გოგონა არ უნახავს. „ის დარბაზში ზის და როგორც იქნა, ახლა შეგვიძლია დრო ოჯახთან ერთად გავატაროთ!“
ბერლინალე -2016 -ის მთავარი ჯილდოები შემდეგნაირად განაწილდა:
ოქროს მედალი
• «ცეცხლი ზღვაში» — რეჟისორი - ჯანფრანკო როზი
ჟიურის გრან-პრი
• «სიკვდილი სარაევოში» — რეჟისორი - დანის ტანოვიჩი
ალფერდ ბაუერის სახელობის პრიზი კინოხელოვნებაში ახალი პერსპექტივებისთვის
«იავნანა სევდიანი საიდუმლოსთვის» — რეჟისორი - ლავ დიასი
ვერცხლის დათვი რეჟისურისთვის
• მია ჰანსენ-ლიოვი — «მომავალი»
ვერცხლის დათვი მამაკაცის საუკეთესო როლისთვის
მაჯიდ მასტურა — «ჰედი»
ვერცხლის დათვი ქალის საუკეთესო როლისთვის
• ტრინე დიურჰოლმი — «საზოგადოება»
ვერცხლის დათვი საუკეთესო სცენარისთვის
• ტომაშ ვასილევსკი — «სიყვარულის შეერთებული შტატები»
ვერცხლის დათვი მხატვრული მიღწევისთვის
• ლი პინბინი, ოპერატორი. ფილმისთვის - «დინების საწინააღმდეგოდ»
საუკეთესო დებიუტი
• «ჰედი», რეჟისორი მოჰამედ ბენ ატია

ნანახია 205 | 2016-12-09
სხვა სიახლეები
ალისია ვიკანდერს «ჩაყვინთვა» (The Dive) ემუქრება
«ტომას კრაუნის აფიორა» (The Thomas Crown Affair) ფილმი, რომელშიც მთავარ როლს მაიკლ ბ. ჯორდანი ითამაშებს!
„ვალერიანი“ („Valerian“) - ფანტასტიური ჟანრის ფილმი, რომელშიც მსახიობი ითან ჰოუკი მიიწვიეს
მსახიობი ნასტია ზადოროჟნაია სამოქალაქო ქმარს დაშორდა!
„ოსკარის“ 88 - ე დაჯილდოების ცერემონიალს - კრის როკი გაუძღვება
Netflix-ი და ბრედ პიტი კორეელი რეჟისორის ფილმს „Okja“ –„ოკჯა“, მხარს დაუჭერს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა