loading...
„ბეოვულფი: დაბრუნება შიდლენდში“, 2016 წლის მძაფრსიუჟეტიანი - სათავგადასავლო ჟანრის ახალი ამერიკული სერიალი

Beowulf - ძველ ინგლისურად, სიტყვასიტყვით „მეფუტკრე მგელს“, სხვაგვარად კიდევ „დათვს“ ნიშნავს. ეს გახლავთ ანგლოსაქსური ეპიკური პოემა. მასში მოქმედებები სკანდინავიაში ვითარდება ანგლების ბრიტანეთში გადასახლების დროს. ბეოვულფი მთავარი გმირის სახელია. ტექსტი 3182 ბწკარისგან შედგება და ალიტერაციული ლექსითაა შექმნილი მე-8 ს-ის დასაწყისში და შემონახულია მე-11 ს-ის ერთადერთ ხელნაწერში. ის ძველინგლისურ ენაზე შესრულებულ ყველაზე გრძელ პოემას წარმოადგენს. ძირითადი შინაარსი ბეოვულფის და საშინელი მონსტრის გრენდელის ბრძოლაზე მოგვითხრობს, რომელიც თავის დედასთან ერთად ქალაქ შიდლენდს ააოხრებს.
მოქმედებები სკანდინავიაში ვითარდება - დანიასა და ახლანდელი შვედეთის სამხრეთით. შიდლენდის ბრწყინვალე მეფე, დანიელი პირატები აწუხებენ. თუმცა, ყველაზე დიდი დარტყმა მან საშინელი მონსტრისგან გრენდელისგან მიიღო, რომელიც უკვე 12 ზამთარია მოსვენებას არ აძლევს და საუკეთესო მეომრები გაუნადგურა. ცნობილი მხრდართმთავარი ბეოვულფი ზღვით მეფე როდგარის დასახმარებლად მოემართება შიდლენდისკენ, რათა ღირსეულ მეფეს მადლობა გადაუხადოს თავისი მამის დაცვისთვის იმ დროს, როცა ცნობილი მეომარი სამშობლოდან გააძევეს და ლტოლვილად აქციეს. მაგრამ მას მეფე მონსტრისგან მოკლული დახვდება.
ბეოვულფი ღამით, პირისპირ ბრძოლაში ამარცხებს გრენდელს. შვილის სიკვდილისთვის შურის საძიებლად უფრო ძლევამოსილი მტერი, მონსტრის დედა გაემზადა. მისი დასამარცხებლად მეომარს ზღვის სიღრმეში უწევს ჩასვლა. ასე მთავრდება პოემის პირველი ნაწილი.
რაც შეეხება მეორე ნაწილს - ბეოვულფი უკვე დრაკონის პირისპირ ბრძოლობს, რომელიც ხალხის საგანძურის დაუფლებას ცდილობს. გმირი მას დაამარცხებს, მაგრამ სასიკვდილო ჭრილობას მიიღებს. პოემის ავტორი ამ ფაქტს ტრაგიკულად არ აღიქვამს, რადგან ნამდვილი გმირისთვის ბრძოლაში სიკვდილი ღირსებაა. მებრძოლები, რომელთაც სათავეში ბრწყინვალე ვიგლავი ჩაუდგა, ბეოვულფის ცხედარს საზეიმო ვითარებაში წვავენ
. „ბეოვულფი“ ერთადერთი პოემაა, რომელიც ევროპის „ბარბაროს“ ხალხებს გადაურჩა განადგურებისგან.
პოემაზე ქრისტიანობის ზეგავლენა ზედაპირულია. თუმცა, შესამჩნევი და მისმა ელემენტებმა განსაკუთრებით ბერების მიერ გადაწერებისას იჩინა თავი. მაგრამ არც ისაა გამოსარიცხი, რომ თავად ავტორმა აირჩია მისი თანხვედრა ახალ მსოფლმხედველობასთან.
აღნიშნული პოემის მიხედვით, სერიალისთვის სცენარი დაამუშავეს: ჯეიმს დორმერმა, გაი ბერტმა და მაიკლ ა. უოკერმა. სერიალზე მუშაობენ რეჟისორები: ჯონ ისთი, ჯულიან ჰოლმსი, მარეკ ლოუზი, სთივენ ვულფენდენი და კერიკ მაკდონალდი. მთავარ როლებს ასრულებენ მსახიობები: გილსი ორნ გარდარსონი, კირან ბიუ, ლოლიტა ჩაკრაბარტი, კრისტი ოსვალდი, ეშლი ტომასი, პაბლო ვერდეჰო, ჯოი ანსა. კომპოზიტორია - რობერთ ლეინი. პროდიუსერებია: უილ ნიკოლსონი, ჯეიმსი, სთივენ სმოლვუდი, თიმ ჰეინსი და ვიქტორია ფეა. სერიალის გადაღება ეკუთვნით ოპერატორებს: ოუენ მაკპოლინს, მაიკ სპრეგს, ადამ ეთერინგტონს, ჯეიმს ფრენდს, ჟან ფილიპ გოსარსა და ჯეიმს უელენდს. სერიალზე მუშაობდა მხატვართა ჯგუფი: გრანტ-მონტგომერი, ლიზ სიმპსონი, ნიკ უიკილსონი, ნატალი ესტრიჯი, ქეროლაინ ბარკლაი და კიმ ლოგანის შემადგენლობით. მონტაჟი ეკუთვნის: ბენ დრურის, დენ კრინიონსა და ემა ოკსლის. სერიალის მსოფლიო პრემიერა 2016 წლის 3 იანვრისთვისაა დაგეგმილი. სერიალის პირველი სეზონის 7 სერია შეგიძლიათ იხილოთ ჩვენს საიტზე. ამჟამად, გთავაზობთ პირველ სერიას. დანარჩენები მოგეწოდებათ მოპოვებისთანავე ავტომატურ რეჟიმში.

ნანახია 531 | 2016-12-09
სხვა სიახლეები
„Prince of Persia: The Sands of Time“ - „სპარსეთის პრინცი: დროის ქვიშები“ განხილვა
ოსკარ აიზეკმა შეიძლება „უცხოელში“ ითამაშოს
ჟერარ დეპარდიე სტალინის როლში!
Gotham Awards -ის კანდიდატები, უკვე ცნობილია!
„პატარა პრინცი“ ბერლინში უჩვენეს!
«დუნკერკი» (Dunkirk) ფილმი - რომლშიც ერთ-ერთი მთავარი როლის შემსრულებლად, კრისტოფერ ნოლანმა, სრულიად უცნობი მსახიობი აიყვანა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა