loading...
აშშ-ს რეჟისორთა გილდიამ ალეხანდრო გონსალესი აირჩია!

უკვე ზედიზედ მეორე წელია, რაც აშშ-ს რეჟისორთა გილდია (DGA)-მა თავისი პრიზი მექსიკელ რეჟისორს, ალეხანდრო გონსალეს ინიარიტუს გადასცა! გასულ წელს ფილმისთვის - „ბირდმანი“ (Birdman or (The Unexpected Virtue of Ignorance), ხოლო, წელს ფილმისთვის - „გადარჩენილი“ (The Revenant).
ორი კვირის წინ, პროდიუსერების გილდიამ თავისი პრიზი მხატვრულ ფილმს „დიდი შემცირება“ (The Big Short) მისცა და სურათი მაშინვე ლიდერთა რიგში მოექცა. მაგრამ ერთი კვირის უკან, SAG -ის პრემია - ნომინაციაში „საუკეთესო მსახიობთა დასი“ - დრამას, „ყურადღების ცენტრში“ (Spotlight), გადაეცა, რითაც კიდევ უფრო დამძიმდა „ოსკარის“ პროგნოზირების საკითხი.
ტრადიციულად, ახალ გამარჯვებულ რეჟისორს გილდიის პრიზი, წინა წელს გამარჯვებულმა უნდა გადასცეს. მაგრამ შარშან, ის ინიარიტუმ აიღო და წელსაც ნომინატების სიაში მოხვდა. კონვერტს, რომელშიც გამარჯვებულის გვარი და სახელი ეწერა, ტომ ჰუპერი მალავდა...
ლოს-ანჯელესის სასტუმრო Hyatt Regency Century Plaza-ში გამართულ ცერემონიალზე, კოლეგები ნომინანტ ჯორჯ მილერს გულშემატკივრობდნენ. ნომინანტთა შორის მისი სახელის გამოცხადებას, დიდი ენთუზიაზმით შეხვდნენ. მაგრამ საბოლოოდ სცენაზე ასვლა, ალეხანდრო გონსალეს ინიარიტუს მოუწია...
რეჟისორმა ძლივს შეიკავა ცრემლები და წარმოთქვა: „ მაგარი კაცები არ ტირიან. ასე თქვა დღეს რიდლი სკოტმა და ის მართალია“. მან გაიხსენა მამამისი, რომელიც ორი წლის წინ გარდაიცვალა და მოჰყვა, თუ როგორ შევიდა სასტუმროს სამზარეულოში, სადაც დაინახა, ასობით მომუშავე მექსიკელი, რომლებიც ლანჩს ამზადებდნენ სტუმრებისთვის. „დღეს ყველანი მე მეხვევით, მაგრამ სინამდვილეში - თქვენ აღიარებთ ლათინო-ამერიკულ საზოგადოებას, რომელსაც დიდი ღვაწლი შეაქვს ამქვეყნის ცხოვრების განვითარებაში“ - განაცხადა ინიარიტუმ.
საინტერესოა ის ფაქტი, რომ გილდია DGA-მა პირველად დააწესა პრემია სადებიუტო რეჟისურაში. სადებიუტო რეჟისურის ნომინანტები იყვნენ: ლასლო ნემეში, მარიელ ჰელერი, ჯოელ ედგერტონი და კოიმბრა, მაგრამ პრიზი ბრიტანელმა ალექს გარლენდმა მიიღო ფანტასტური ჟანრის ფილმისთვის - „ექს რობოტი“ (Ex Machina). რეჟისურაში საუკეთესო დებიუტისთვის, ჯილდოს სტივენ სპილბერგი გადასცემდა და გარლენდი, რომელიც აშკარად არ ელოდა გამარჯვებას, გაოგნებული დარჩა! მან სპილბერგი თავისი შთაგონების წყაროდ აღიარა და დიდ რეჟისორს უწოდა: „შუქურა, რომელიც ყოველთვის გზას უნათებდა“. თუ იმას გავითვალისწინებთ, რომ DGA-ს გილდია დაახლოებით 7000 ხმის მიმცემი წევრისგან შედგება, როგორც „ოსკარი“, მაშინ ყურადღების ველიდან არ უნდა გაგვექცეს დებიუტანტი ბრიტანელი რეჟისორის ფილმი - „ექს რობოტი“ (Ex Machina).
ვინ იცის რა მოხდება მაშინ, როცა ბოლო 20 წლის მანძილზე, საუკეთესო რეჟისურისთვის ბრძოლაში, DGA-ის გამარჯვებულები, მხოლოდ ოთხჯერ არ დაემთხვა - „ოსკარისას“!

ნანახია 183 | 2016-12-08
სხვა სიახლეები
სკანდალი ამერიკულ კინოაკადემიაში! მალე „ოსკარის“ ჟიურის წევრობის წესები შეიცვლება!
„შანარის“ ქრონიკები - აშშ-ს ახალი ფენტეზურ- სათავგადასავლო სერიალი 2016 წლის 5 იანვრიდან მსოფლიოს წამყვან ტელეარხებზე!
ჯენიფერ ენისტონი, რობერტ დენიროსთან ერთად, ფილმში - „The Comedian“ - „კომიკოსი“ - ითამაშებს
სილვესტერ სტალონეს "Rambo" ტელევიზიაში შემოაქვს
სერიალ -„უტოპია“-ს სცენარისტი, -„სამყაროთა ომი Z“ -ის სიკველს დაწერს
«Furious 8» - «ფორსაჟ 8» -ს, მხატვრული ფილმის - „პირდაპირ კომპტონიდან“ - რეჟისორი გადაიღებს

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა