VAKINO.COM
მთავარი მსახიობები სერიალები

» » 2017 წელისთვის, სერიალის „Star Trek“ – „ვარსკვლავური გზა“ - განახლებული ვერსია!
მთავარი » ფაილები » სიახლე

2017 წელისთვის, სერიალის „Star Trek“ – „ვარსკვლავური გზა“ - განახლებული ვერსია!
[ · გადმოწერა წაშლილია () ] 2015-11-03, 6:56 PM
2017 წლის იანვარში, ტელეარხი CBS-ი იწყებს ფანტასტიურ, მძაფრსიუჟეტიანი სათავგადასავლო სერიალის „ვარსკვლავური გზა“, ტრანსლაციას. პროექტის ხელმძღვანელის კანდიდატი, ალექს კურტცმანი იქნება, რომელიც მხატვრული ფილმების: „ვარსკვლავური გზა“ და „ვარსკვლავური გზა: სიბნელეში“, შექმნაზე მუშაობდა სცენარისტისა და პროდიუსერის რანგში.
ახალი სურათი მაყურებელს, ახალ პერსონაჟებს წარმოუდგენს, რომლებიც მუდმივად სამყაროებისა და ცივილიზაციების ძიებაში არიან ჩაბმულნი. სერიალი არც თანამედროვე თემების კვლევით იქნება შეზღუდული, რომელიც ორიგინალის შემადგენელი ნაწილი იყო.
სერიალი, „ვარსკვლავური გზა“ 1966 წელს გამოვიდა ტელეარხ NBC-ზე და სამ სეზონად გაგრძელდა. შემდეგ კი, 79-ე პიზოდზე ის დახურეს, რადგან რეიტინგი არ იძლეოდა იმის საშუალებას, რომ მაყურებელს კაპიტან კირკის თავგადასავალი ბოლომდე ეხილა. 1969 წლის შემოდგომაზე სურათის განმეორებით ჩვენება დაიწყეს და 1970-იანი წლების ბოლოს, იგი საკულტო სერიალი გახდა.
სერიალის შემოქმედმა - ჯინ როდენბერმა „ვარსკვლავურ გზას“, „გულივერის მოგზაურობისა“ და პოპულარული ვესტერნების სული შთაბერა. სატელევიზიო არხებისთვის საკუთარ შეთავაზებას, მან ასეთი ფორმულირება მისცა - „ვესტერნი კოსმოსში“. სერიალის ყოველი ეპიზოდი ორ დონეზე უნდა დამუშავდეს: პირველი - მოგვიყვეს მომხიბლავი ისტორია და მეორე - არ დაივიწყოს მორალი!
სერიალში მიმოხილული იქნება ისეთი თემები, როგორისაა: ომი და მშვიდობა, ლოიალურობის ღირებულებები, კლასობრივი ბრძოლა, ეკონომიკა, რასიზმი, სექსი, ადამიანის უფლებები და ტექნოლოგიების როლი ცხოვრებაში. როდენბერგი ამბობს: „ახალი სამყაროს, ახალი წესებით შექმნისას, მე შემიძლია ვისაუბრო სექსზე, რელიგიაზე, ვიეტნამზე, პოლიტიკაზე და საკონტინენტთაშორისო ქობინებზე“.
სატელევიზიო სტუდია CBS-ის პრეზიდენტის, დევიდ სტაპფის აზრით: „ზუსტად რომ დროულია ფანატებს ვაჩუქოთ „ვარსკვლავურ გზის“ ახალი სერიები, რადგან მალე, მისი ორიგინალური სერიალი 50 წლისთავს აღნიშნავს. ჩვენ ყველანი პატივს მივაგებთ ამ ფრანჩაიზს და ვიმედოვნებთ, რომ იგი კარგ ხელში იმყოფება. ალექს კურტცმენმა ხომ ჩინებულად იცის ეს სამყაროცა და მისი მაყურებლებიც“.
აქვე უნდა აღვნიშნო ისიც, რომ სერიალი „ვარსკვლავური გზა“, არანაირ კავშირში არ იმყოფება რეჟისორ ჯასთინ ლინის მიერ გადაღებულ ფილმთან „Star Trek Beyond“ – „ვარსკვლავური გზის მიღმა“, რომლის მსოფლიო პრემიერაც 2016 წლის 7 ივლისს გაიმართება.
კატეგორია: სიახლე | დაამატა: mirza | ტეგები: ვარსკვლავური გზა, 2017 წელისთვის, სერიალის, Star Trek, ვერსია, განახლებული
ნანახია: 598 | რამოტვირთვები: 3 | რეიტინგი: 0.0/0
სულ კომენტარები: 0
avatar