loading...
რეიჩელ მაკადამსი, ჰოლივუდის „ვარსკვლავი“ არ არის, მაგრამ ნიჭიერი, ჭკვიანი და სექსუალურია!

ცოტა ხნის წინ, წამყვანმა ჟურნალისტმა, სკოტ ფაინბერგმა „ტვიტერში“ დაწერა: „იქნებ ვინმემ ახსნას, რატომ არ არის ის სუპერვარსკვლავი? ასეთი ნიჭიერი, ჭკვიანი და სექსუალური!..“
ჟურნალისტი, ამას „ოსკარის“ ნომინანტ რეიჩელ მაკადამსზე წერდა!
წელს, პირველად მის ცხოვრებაში, მსახიობი „ოსკარის“ ნომინანტთა სიაში შეიყვანეს კატეგორიაში - „მეორე ხარისხოვანი როლის საუკეთესოდ შემსრულებელი მსახიობი ქალი“. ეს მან ფილმში - „ყურადღების ცენტრში“ (Spotlight) - უკომპრომისო და მამაცი ჟურნალისტი ქალბატონის როლის შესრულებისთვის დაიმსახურა.
გთავაზობთ სრულ ინტერვიუს რეიჩელ მაკადამსთან, რომელიც მას სკოტ ფაინბერგმა ჩამორთვა.

ჟ უ რ ნ ა ლ ი ს ტ ი: რამ გიბიძგათ მსახიობობისკენ?
რ ე ი ჩ ე ლ ი: უფრო მეტად შექსპირმა! მისი გმირების განსახიერება 12 წლიდან დავიწყე სასკოლო სპექტაკლებში.
ჟ უ რ ნ ა ლ ი ს ტ ი: როგორ როლებს ირჩევთ?
რ ე ი ჩ ე ლ ი: მე ვცდილობ მხოლოდ ის როლები ავიღო, რომელიც პირადად ჩემთვისაა საინტერესო. იმიტომ რომ, თუ თავად არა გაქვს მძაფრი ინტერესი: თემასთან დაკავშირებით, პერსონაჟის მიმართ, მის კონფლიქტთან... მაშინ ყალბი და ზერელე ნამუშევარი გამოგივა... თუ თავად ფეხებზე გკიდია, სხვებიც, მითუმეტეს, დაიკიდებენ!
ჟ უ რ ნ ა ლ ი ს ტ ი: თქვენ მაყურებელს რომანტიულ ფილმებში მოსწონხართ და ისინი შეყვარებულნი არიან თქვენს გმირებზე. ამაზე რას იტყვით?
რ ე ი ჩ ე ლ ი: შესაძლოა ეს ასეა. მაგრამ პირადად მე, უარყოფითი და ბოროტი გმირების როლების განსახიერება უფრო მიტაცებს.
ჟ უ რ ნ ა ლ ი ს ტ ი: საერთოდ, როგორ ემზადებით როლისთვის?
რ ე ი ჩ ე ლ ი: ყოველი როლის შესრულებისთვის მთელი სერიოზულობითა და მაქსიმალური დატვირთვით ვემზადები.
ჟ უ რ ნ ა ლ ი ს ტ ი: და თავისუფალი დრო?..
რ ე ი ჩ ე ლ ი: ვსწავლობ იალქნიანი ნავის ტარებას, უცხო ენებს, ვურთიერთობ სოციალურ მუშაკებთან და ლტოლვილებთან, ვსწავლობ პოლიციელთა ნამდვილი საბრძოლო იარაღის დაუფლებას.
ჟ უ რ ნ ა ლ ი ს ტ ი: და რას იტყვით „ყურადღების ცენტრში“ განსახიერებული ჟუნალისტის, საშა პფაიფერის როლზე?
რ ე ი ჩ ე ლ ი: მე მართლაც გამიმართლა ამ როლში. მე მისი სახით უნდა მეცხოვრა. ვფიქრობ, რომ „ოსკარის“ ნომინაცია, რომელშიც წარმადგინეს, ამ როლის სრული დამსახურებაა. ვიმედოვნებ, რომ კინო მომავალშიც განაგრძობს ასეთი ქალბატონების ისტორიის გადმოცემას. ის ნამდვილად ის გმირია, რომელსაც უნდა უმღერონ!

ნანახია 230 | 2016-12-05
სხვა სიახლეები
სანდრა ბალოკმა მეორედ ჩვილი გოგონა იშვილა
ფილმს „Gambit“ - „გამბიტი“, რეჟისორი დაგ ლაიმანი გადაიღებს!
„სამეფო კარის თამაშები”. მე-6 სეზონი 24 აპრილიდან იწყება!
„ვალერიანი“ („Valerian“) - ფანტასტიური ჟანრის ფილმი, რომელშიც მსახიობი ითან ჰოუკი მიიწვიეს
«Furious 8» - «ფორსაჟ 8» -ს, მხატვრული ფილმის - „პირდაპირ კომპტონიდან“ - რეჟისორი გადაიღებს
«ტომას კრაუნის აფიორა» (The Thomas Crown Affair) ფილმი, რომელშიც მთავარ როლს მაიკლ ბ. ჯორდანი ითამაშებს!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა