loading...
სერიალი „სიკვდილის უდაბნოში“ – „Into the Badlands“ - განხილვა

2015 წლის 15 ნოემბერს, AMC ტელეარხზე - შედგა ამერიკული მძაფრსიუჟეტიანი სათავგადასავლო სერიალის - „Into the Badlands“ – „სიკვდილის უდაბნოში“ – პირველი სეზონის პრემიერა. სერიალის რეჟისორია - დევიდ დობკინი. სცენარისტებია: ალფრედ გოფი, მაილზ მილარი და მაიკლ ჯონს მორალესი. კომპოზიტორია დევიდ შეპარდი. სერიალზე მუშაობდნენ მხატვრები: რეიმონდ პუმილია, კრისტინ ბიზლინ კლარკი, ნადინ ჰეიდერსი, ქიმბერლი მერფი და ერიკა რაისი. სერიალში მთავარ როლებს ასრულებენ მსახიობები: დენიელ ვუ, მაიკლ სილი, ოლივერ სტარკი, არამის ნაითი, ემილი ბიჩემი, სარა ბოლგერი, ორლა ბრეიდი, მარტონ ჩოკაში, მადლენ მანტოკი, ელენ ჰოლმანი, სთივენ ლენგი.



ჩემი აზრით, სერიალი მაყურებელში ცნობისმოყვარეობას აღძრავს, მაგრამ პირველი სერიის ნახვისთანავე, ისეთივე სრულყოფილების შთაბეჭდილება ვერ დამიტოვა, როგორიც „სამეფო კარის თამაშებისთვის“ და „შეშლილი მაქსისთვისაა“ დამახასიათებელი. სერიალის მოკლე შინაარსი ასეთია: პოსტაპოკალიფსურ მომავალში, ცივილიზაციის ნარჩენებზე, ფეოდალური საზოგადოება აღმოცენდა. ხელისუფლება გაყოფილი აქვს „დამოუკიდებელი საფეოდალოების“ ბოსებს, რომლებიც ერთმანეთის კონკურენტები არიან. ყოველ ბარონს საბრძოლო ხელოვნებაში კარგად გაწვრთნილი არმია ჰყავს. თითოეული ბოსი გარკვეულ რესურსს აკონტროლებს, რომლზეც სხვას არ მიუწვდება ხელი. ამით ბარონები, თითქოს ერთმანეთზე დამოკიდებულნი ხდებიან და ურთიერთობაშიც გარკვეულ ბალანსს იცავენ, რაც უფრო, დროებითი სიმშვიდის მაუწყებელია,რადგან მათ შორის ომი ნებისმიერ მომენტში შეიძლება ატყდეს.



პირველი სერია ერთ-ერთი მთავარი გმირის, სანის (როლში - დენიელ ბუ) გამოჩენით იწყება, რომელმაც კარგად იცის ბარონების დროებითი სიმშვიდის მიზეზი. სანი, ბარონ ქუინის (როლში - მართონ ჩოკაში) ჯარის რჩეული მებრძოლია. მის ანგარიშზე ასობით მოკლული მტერია, მაგრამ მებრძოლს კარგა ხანია არ აღაფრთოვანებს თავისი წარმატებები. მას მშვიდობიანი ცხოვრება სურს, რადგან მფარველობს ქალს, რომელიც მისგანაა დაორსულებული. მაგრამ, მეომრის მკაცრი კოდექსის მიხედვით, სანის მაგვარ მებრძოლებს ოჯახის შექმნა ეკრძალებათ. ამ მდგომარეობიდან გამოსავალს, მას მოზარდი M.K. (როლში - არამის ნაითი) უკარნახებს, რომელიც სანიმ ბანდიტებისგან იხსნა.



მოზარდი ბარონების მიწების საზღვრებს იქით დაიბადა. მას შეუძლია სანი და მისი ახლობლები თავისთან წაიყვანოს, თუკი ისინი მშობლიურ მხარეს შეელევიან მისატოვებლად. მართალია, სანის როლის შემსრულებელი მსახიობი, დენიელ ბუ, წარმატებულად მოღვაწეობს აღმოსავლურ კინოში, მაგრამ ის დაიბადა და გაიზარდა კალიფორნიაში, შანხაელი ემიგრანტების ოჯახში.
როგორც წესი, საბრძოლო ხელოვნებაზე გადაღებულ ფილმები და სერიალები უბრალო სიუჟეტებზეა დაფუძნებული. რაც უფრო ნაკლები დრო აქვს დათმობილი „ლაყბობას“, მით უფრო მეტი ყურადღებაა გამახვილებული ოსტატურ ორთაბრძოლებზე, რის გამოც უყურებს მნახველი ასეთ ჟანრს. სამწუხაროდ, რთული სანახაობრივი სცენების დადგმა, ძვირი ხილია თვით ამერიკული ტელევიზიისთვისაც კი. ამიტომ აღმოსავლური ფილმებით შთაგონებული, საკაბელო არხ AMC-ს ხელმძღვანელების შეკვეთით გადაღებული სერიალის - „სიკვდილის უდაბნოში“ - შემქმნელებმა ვერ შეძლეს სურათში, ამერიკელი ჩინელი დენიელ ვუს და მისი კოლეგების მაღალი საბრძოლო ოსტატობის სრულფასოვნად წარმოჩენა. ამიტომ მათ, რაღაცნაირად მოახერხეს „შეშლილი მაქსის“ და „სამეფო კარის თამაშების“ სინთეზი და დეტალურად გადაამუშავეს ფეოდალური პოსტაპოკალიფსური სამყარო, სადაც: მებრძოლები მოტოციკლეტებით დაჰქრიან, მაგრამ ხმლებით იბრძვიან... და სადაც მედიკოსებს შესწევთ კიბოს დიაგნოზის დასმის უნარი, მაგრამ არ შეუძლიათ მისი მკურნალობა...



შოუს პირველი სეზონი, ლუიზიანას შტატის იმ მშვენიერ ისტორიულ სანახებში გადაიღეს, სადაც ქვენთინ ტარანტინომ შექმნა ფილმი „ჯანგო.“ სერიალი სავსეა შუა საუკუნეებისა და ველური დასავლეთის საბრძოლო ხელოვნებისთვის დამახასიათებლი სცენებით, მუდმივი სისხლიანი ინტრიგებით, სხვადასხვა ხასიათის მქონე ენერგიული პერსონაჟებით. აქვე, ასევე ვხვდებით მისტიურ მომენტებსაც - მართალია, M.K. სუსტად გამოიყურება, მაგრამ თუკი სისხლს გაადენენ, მას ამავე დროს, შეუძლია გიჟ და ზებუნებრივი ძალების მქონე დაუნდობელ მეომრადაც გადაიქცეს.
უბედურება იმაშია, რომ პირველი სეზონის ორი ეპიზოდის ნახვისთანავე, ყველაფერი ერთმანეთშია არეული და ჩახლართული. შოუ ისეა აწყობილი, რომ მაყურებლის ჭეშმარიტ თანაგრძნობას, აქ მხოლოდ სანი, M.K. და რამდენიმე გმირი ქალბატონი თუ იწვევს. რა ინტერესი უნდა ჰქონდეს იმას, თუ რით დამთავრდება ბრძოლა - ბარონ ქუინსა და ბარონესას შორის, რომელსაც „ქვრივის“ სახელით ვეცნობით თუკი, სერიალის მთავარი გმირები არ აპირებენ ფეოდალური „საქმის გარჩევებში“ მონაწილეობის მიღებას? ან რა აზრი აქვს იმის ჩვენებას, თუ რა ხდება ქუინსა და მის შვილს შორის, როცა ორთავე მათგანი არამზადა და ნაძირალაა?..



სხვაგვარადაა საკითხი დაყენებული „სამეფო კარის თამაშებში“. აქ მაყურებლისთვის საყვარელი პერსონაჟები მჭიდროდაა ინტეგრირებული მრავალრიცხოვანი კონფლიქტის ციკლთან და ამის წყალობით, ჩვენ ყურადღებით ველოდებით შემდგომი ეპიზოდის განვითარებას, რასაც სერიალის - „სიკვდილის უდაბნოში“ – პირველი და მეორე სერიის ნახვისას ვერ ვიტყვით. ეს საკითხი, აქ მოისუსტებს და ლამის ნახევარი სცენის გასვლის შემდეგაც კი, საკმაოდ დრამატული ეპიზოდი, მნახველში არანაირ ემოციას არ აღძრავს.
რაც შეეხება მილარასა და გოუს ბრძოლის სანახაობებს, ის ძალიან დახვეწილი და გემოვნებიანი ორთაბრძოლაა. სერიალში კარგი შერკინებები საკმაოდაა. რაც შეეხება დანიელ ვუს, ის მეტად ქარიზმატული და წამყვანი მსახიობია. ასე, რომ თუკი საბრძოლო ხელოვნებაზე და პოსტაპოკალიფსურ შოუზე გადაღებული ფილმები მოგწონთ, მაშინ სერიალის „სიკვდილის უდაბნოში“ ნახვა, ნამდვილად ღირს...
დასასრულ, სულ მე ნუ დამეყრდნობით... ამ მონაცემებით, თუკი სერიალმა მეორე სეზონამდე მიაღწია და იგი უფრო სერიოზული ელემენტებით დატვირთეს, რაც სამოგზაურო-სათავგადასავლო დრამისთვისაა დამახასიათებელი, მაშინ ჩემი კრიტიკა უკან მიმაქვს და სერიალიც უცილობლად პრეტენზიული იქნება...


ნანახია 634 | 2016-12-06
სხვა სიახლეები
რებეკა ფერგიუსონი - დანიელ ესპინოსას ახალი ფილმის მთავარ როლში!
რუპერტ სანდერსის ფილმში - «მოჩვენება აბჯარში» - მთავარ როლს, ეურონა გრეიჯოიას განმასახიერებელი, იოჰან ასბეკი შეასრულებს
ანჯელინა ჯოლიმ როლის სანაცვლოდ, დაფინანსება მიიღო
ვიდეოთამაშის „Assassin's Creed“ – „მკვლელის კრედო“ -ეკრანიზაციისთვის , გადაღებები დაიწყო
როგორ აღმოჩნდა მსახიობი მეთ დეიმონი, ჩინურ ფილმში
სანდრა ბალოკს, ფილმ - «Ocean's Eleven» - „ოუშენის 11 მეგობარი“- ქალურ ვერსიაში გადაიღებენ

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა