loading...
ფილმი - «Scouts Guide to the Zombie Apocalypse» - “მაშველები ზომბების წინააღმდეგ” - განხილვა

2015 წლის 23 ოქტომბერს, შედგა რეჟისორ ქრისტოფერ ლენდონის კომედიური ჟანრის საშინელებათა ფილმის „მაშველები ზომბების წინააღმდეგ“, მსოფლიო პრემიერა. სცენარის ავტორებია: ემი მოტიძუკი, ქერი ლი უილსონი, ქრისტოფერ ლენდონი. პროდიუსერებია: ბრაიან ბრუკსი, ენდი ფიქმენი, თოდ გარნერი. ოპერატორი - ბრენდონ ტროსტი. კომპოზიტორი - მეთიუ მარჯესონი. ფილმზე მუშაობდნენ მხატვრები: ნეითან ამონდსონი, უილიამ ბაჯი, ნიკ რელბოვსკი.მონტაჟი ეკუთვნის - ჯიმ პეიჯს. მთავარ როლებში მონაწილეობენ მსახიობები: ტაი შერიდანი, ლოგან მილერი, ჯონ მორგანი, სარა დიუმონი, დევიდ კოკნერი, ჰოჯსთონ სეიჯი, კლორის ლიჩმენი, ნიკი კოსი, ლუკას გეიჯი.

რეჟისორი ქრისტოფერ ლენდი „პარანორმალური მოვლენების“ სცენარის რამდენიმე ნაწილის ავტორიცაა. რაც შეეხება ფილმის შინაარსს: „ბენი, კარტერი და ოგი, მხსნელი მაშველები არიან. მათ ყველაფერი გამოსდით ხელიდან, რაც ამ სფეროს შეეხება და შეუძლიათ დახმარება გაუწიონ უბედურებაში ჩავარდნილ ადამიანებს. მაგრამ საქმე იმაშია, რომ თანამედროვე ცხოვრებაში, მათი ცოდნა და გამოცდილება არავის სჭირდება. ამიტომ ბენი და კარტერი გადაწყვეტს მაშველური ხრიკების გამოყენებით, თანამშრომლობა გააბან სხვადასხვა კომპანიებთან. ოგი კი - ჯერაც თინეიჯერად გრძნობს თავს და ასეთ საქმეებში არ ერევა. მაგრამ ყველაფერი რადიკალურად იცვლება მას შემდეგ, როცა მათ ქალაქში დაუპატიჟებელი ზომბები გამოჩნდებიან... ახლა ქალაქის და სამყაროს ხსნა, „უშიშარ მაშველებზეა“ დამოკიდებული. მაშველთა გუნდს სტრიპ-ბარის „გიჟი“ ოფიციანტი, დენიზიც შეუერთდება, რომელიც თოფიდან კარგად ისვრის“. ვფიქრობთ, ყველაფერი ჩვეულებრივი ფილმის მსგავსად წარიმართებოდა, რეჟისორ ლენდონს რომ არ გაეფუჭებინა განწყობა: გადამეტებული იუმორითა და დენიზისა და ბენის სასიყვარულო სცენებით, რომელიც მოზარდთა სიზმარს უფრო მიაგავს და ბენის მხრიდან, ჩუკენური ურთიერთობის შთაბეჭდილებას უფრო ტოვებს, ვიდრე შეყვარებულისას. რაც შეეხება მსახიობთა დასს, მათი თამაში ფილმში ძალიან ცოცხლად და ენერგიულად გამოიყურება. მსახიობი, ტაი შერიდანი, ბოლოს და ბოლოს, ჯოი მორგანის მსგავსად, მაშველად ჩამოყალიბდა. სასაცილოა კარტერი, რომლის როლსაც ლოგან მილერი ასრულებს. იგი თანამედროვე თინეიჯერის მრავალფეროვან სახეს წარმოადგენს, რომელსაც ყველაფერი უყვარს და იზიდავს, რაც მის გარშემოა. ჯოი მორგანის გმირი - ოგი კი - ბეჯითი მოსწავლის შთაბეჭდილებას ტოვებს, რომელიც ყველა დავალებას ართმევს თავს, მაგრამ ცხოვრებისეული სირთულეების წინაშე უძლურად გამოიყურება. სარა დიუმონი კი, დენიზის როლის შემსრულებელი - რიპლიზე ნაკლებ როდი უმკლავდება ზომბებს, მაგრამ ზოგიერთი მისი ქმედება იმაზე მეტყველებს, რომ თითქოს იგი ფერდობს ამოფარებულია და რაღაცის თავიდან აცილებას ცდილობს. საინტერესოა ასევე, დევის კეჰნერის პერსონაჟი, რომელიც ზომბად გადაქცევის შემდეგ, მაინც მებრძოლ მაშველად რჩება. ასევე ეფექტურად ითამაშა რამდენიმე სცენა კლორის რიჩმანმაც, რომელსაც ფილმში ბოროტი მოხუცის როლი ერგო. ცხადია, ფილმი შედევრს არ წარმოადგენს და მგონი რეჟისორს ამის პრეტენზია არც გააჩნია, მაგრამ საათნახევრის მანძილზე, იმას კი მოახერხებს, რომ თინეიჯერი მაყურებელი სავარძელს მიაჯაჭვოს და ბევრი ახარხაროს. მათ ხომ ძალიან მოსწონთ: როცა ზომბები რეპროდუქციულ ორგანოებს კარგავენ, ან სხეულის სხვა ნაწილებს, რისი სიუჟეტებიც სურათში საკმაოდაა. რაც შეეხება მოზრდილ მაყურებელს, მათ რამდენიმეჯერ თუ გაუმართლებთ, განსაკუთრებით ისეთ სიუჟეტებში, რომლებიც 80-ან წლებზე აკეთებს მინიშნებას. ზოგიერთი კი - პოლიციელი ქალბატონის სცენით დაინტერესდება და ახალგაზრდებთან ერთად, გარკვეულ "სიამოვნებას" დაიჭერს, რადგან არ დაგვავიწყდეს, რომ ერთ დროს - ჩვენც ყმაწვილები ვიყავით!

ნანახია 897 | 2016-12-11
სხვა სიახლეები
THR -ში სცენარისტმა, ახალი «კერკეტი კაკალის» იდეა გამოაქვეყნა
«ტომას კრაუნის აფიორა» (The Thomas Crown Affair) ფილმი, რომელშიც მთავარ როლს მაიკლ ბ. ჯორდანი ითამაშებს!
კინოსტსტუდია „სონი“, კომიქსის -“Descender“ (დამშვები) -მიხედვით ფილმს გადაიღებს!
“პრომეთეს” სიკველმა ახალი გმირი ქალბატონი იპოვა
«ოსკარი» ციფრებში!
მსახიობი ნასტია ზადოროჟნაია სამოქალაქო ქმარს დაშორდა!

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა