loading...
მხატვრული ფილმი - «Black Mass» - «შავი მესა» - განხილვა

2015 წლის 4 სექტემბერს, შედგა რეჟისორ სკოტ კუპერის ფილმის «Black Mass» - «შავი მესა» - მსოფლიო პრემიერა. სურათის სცენარის ავტორი ჯეზ ბათერუორთია. პროდიუსერებია: სკოტ კუპერი, ჯონ ლეშერი, პატრიკ მაქორმიკი. ოპერატორია - მასანობუ ტაკაიანაგი. კომპოზიტორია ჯანიკ იქსელი. მხატვრობა შეასრულეს: სტეფანია ჩელამ, ჯერემი ვუდვორდმა და კასია ვალიცკა-მეიმონმა. მონტაჟზე მუშაობდა - დევიდ როზენბლიუმი. ფილმის ბიუჯეტი შეადგენს 53 000 000 $-ს. ამერიკაში დღემდე, 61 557 964 $-ის შემოსავალი მოიტანა. ფილმის IMDb რეიტინგია: 7.3. ფილმის ხანგრძლივობა 1 ს-თი და 22 წთ-ია.
ფილმში მთავარ როლებს ასრულებენ: ჯონი დეპი, ჯოელ ედგერთონი, ბენედიქტ ქამბერბეთჩი, ქევინ ბექონი, ჯესი პლემონსი, პიტერ სარსგაარდი, ქორი სთოლი, დაკოტა ჯონსონი, რორი სთოლი, დევიდ ჰარბორი.
ფილმის შინაარსი ასეთია: 1975 წელი, ბოსტონი. ქალაქში ერთმანეთს კონკურენციას უწევენ - იტალიური და ირლანდიური მაფიები. ამ უკანასკნელის ერთ-ერთ ლიდერს - ჯეიმს „უაით“ ბალჯერს, რომლის მთავარ როლსაც მსახიობი ჯონი დეპი ასრულებს, გაუმართლებს. ქალაქში მისი ბავშვობის მეგობარი, FBI -ის აგენტი ჯონ ქონოლი ჩამოდის, რომლის როლსაც ჯოელ ედგერთონი ასრულებს. ქონოლი, რომელიც იტალიურ მაფიას ებრძვის, ბალჯერს წინადადებას შესთავაზებს, რომელიც ქალაქის კრიმინალურ ცხოვრებაში ცვლილებებს შეიტანს, რაც რამდენიმე მოქალაქის სიცოცხლეს შეიწირავს და შავ ლაქად დარჩება FBI-ის რეპუტაციაში. უაით ბალჯერი, საკუთარ დანაშაულობებზე პასუხისგების ნაცვლად „კოლეგების“ ჩაშვებით უნდა დაკავდეს. სამაგიეროდ, ხელ-ფეხი გაეხსნება და ბოსთონის ყველაზე მრისხანე განგსტერი იქნება. დაუწერელი შეთანხმება, თითქმის 12 წელი გაგრძელდება...
«შავი მესა», სასტიკ, პირქუშსა და უკომპრომისო სისხლიან დრამას წარმოადგენს კუპერის შემოქმედებაში და რეჟისორის რიგით მესამე ფილმია, რომელიც რეალურ ამბებზეა დაფუძნებული. მან ლამის დახურვის პირამდე მიყვანილი პროექტი გადაარჩინა იმით, რომ ფილმში ცნობილ მსახიობთა დასი მიიწვია: დაკოტა ჯონსონი, ჯულიანა ნიკოლსონი, ჯუნო ტემპლი, რორი ქოქრეინი, პიტერ სარსგაარდი, ქევინ ბეიკონი, ქორი სთოლის შემადგენლობით. არა ფერი რომ არ ვთქვათ ბენედიქტ ქამბერბეთჩზე, რომელიც უაითის ძმის, კანონმორჩილი და გავლენიანი სენატორის - ბილი ბალჯერის როლს ასრულებს. ეს ვარსკვლავები, როდი იჩრდილებიან მთავარი გმირის, ჯონი დეპის სხივქვეშ. ჯონი დეპი, კაშკაშა მეტეორივით და ალესილი მახვილივით ჩაიქროლებს ხოლმე მათ შორის.
უნდა გამოვტყდეთ, რომ ასეთი ჯონი დეპი, ჩვენ ჯერ არ გვინახავს. „კარიბის ზღვიდან“, იგი უეცრად კრიმინალურ დრამაში აღმოჩნდა. თუმცა, მან უკვე ითამაშა მფარველი პოლიციელის როლი ფილმში „დონი ბრასკო“, ნარკო მოვაჭრე ჯორჯ ჯანგის პერსონა, ფილმში „კოკაინი“ და ამერიკის განგსტერული სამყაროს ხატება, ჯონ დილინჯერის სახით, ფილმში „ჯონი დ.“ მაგრამ ისეთი ურჩხული არასოდეს განუსახიერებია, როგორიც „შავ მესაში“ ბალჯერის სახით შექმნა. უაით ბალჯერი, ნამდვილი მონსტრია და ფილმში ვერანაირი მინიშნებები იმაზე, რომ დედა ძალიან უყვარს, ვერ შცვლის მის რეალურ სულს.
მთავარი გმირის არაადამიანურ ფსევდო სიმშვიდეს, მისი მოთეთრო სახე და მოდიდო ლურჯი თვალები გასცემს ხოლმე, რომელიც შემოხედვისთანავე აუცილებლად სიკვდილს გპირდება. მისი მგლური გამოხედვა აშკარად მეტყველებს იმაზე, რომ ადამიანების კვლაში გაუმაძღარია. ბალჯერი გიჟი როდია. ის საკმაოდ გონიერია და ყოველი მისი დანაშაული მაუწყებელია იმისა, რომ მკვლელი ქვასავით დუმს, მსხვერპლი კი - უმოწყალოდ გაჰკივის. დრო მკვლელს არ ცვლის, ის დროზე მეტია, რადგან მისი გონების კონცენტრაცია მხოლოდ ბოროტებისკენაა მიმართული.
სამაგიერიოდ, მის მეწყვილე ჯონ ქონოლში, ცვლილებებს ვაწყდებით. თავდაპირველად, საკუთარ თავში დარწმუნებული FBI-ის აგენტი, რომლის არსიც მხოლოდ სიცრუეზეა აგებული, თანდათანობით ჰკარგავს საკუთარ სახეს. მას შეეძლო ნებისმიერ დროს შეეჩერებინა უაითი, მაგრამ ეს არ გააკეთა მანამ, სანამ მისგან დამოუკიდებლად, მათი შეთქმულება არ გასკდა. „პატარა ტყუილი დიდ სიმართლეს იცავს!“ ეს არის დეპის გმირის სლოგანი და თვალთმაქცობის ჯერარნახულ დიდოსტატად გვევლინება! მაგრამ, სიმართლეს ვერაფერი შეაჩერებს. იგი ადრე თუ გვიან აუცილებლად იჩენს თავს და ეს დღეც დადგა!.. მან თავისი ღალატი აღიარა.
რაც შეეხება ფილმის მხატვრულ ღირებულებას, ნამუშევარი ფრთხილად და უბრალოდაა შესრულებული, სადაც გაერთიანებულია წარსული და აწმყო. იდეალურად ლამაზი სურათი, მგრძნობიარე მუსიკის თანხლებით, შერწყმულია შეუბრალებელ სისასტიკესთან, რომელიც საგანგაშოდ განგვაწყობს და გმირებთან ერთად დიალოგში გვითრევს, სადაც ვსვამთ კითხვას - „რატომ აკეთებთ ამას?“
1990 წელს, რეჟისორმა ფილ ჯოანმა, ნიუ-იორკის ირლანდიელ განგსტერზე გადაიღო ფილმი „State of Grace“ – „ჩიხში“. ერთ სცენაში მისი გმირი, ჯეკი ფლანერი მუხლმოდრეკილია კათოლიკურ ეკლესიაში. მას სურს წმინდა ანტონის თასიდან მოსვას სასმელი, რომ მისი მეგობრის სული შეიწყალოს. გულმხურვალედ ეხვეწება წმინდანთა ქანდაკებებს, რომ მას და მის გარდაცვლილ მეგობარს მოჰგვარონ სულის სიმშვიდე.
25 წლის შემდეგ, „შავ მესაში“, ირლანდიელი განგსტერი - უაით ბალჯერი ქალაქიდან გაქცევის წინ, მარტო მიდის ტაძარში და იქ, ძალიან მშვიდად და გაწონასწორებულად ზის. მის სატანისებრ სულს, არ სჭირდება სიმშვიდე, არც პატიება და არც დაპირება. მას ხომ ფაქტიურად არა აქვს გული. მას არ სტკივა, არც მონანიების გრძნობა აწუხებს, არც არავინ უყვარს და არც შენდობას მოითხოვს... ის ჩვენი დროის გმირის,ზუსტი ასლია!..

ნანახია 418 | 2016-12-05
სხვა სიახლეები
“ოსკარზე“ წარსადგენი ფილმები, ნომინაციისთვის „საუკეთესო ვიზუალური ეფექტები“ - უკვე დასახელდა
ლეონარდო დი კაპრიომ, მეგობარ გოგონას ხელი შესთავაზა
მალე, მონიკა ბელუჩი და კოლინ ფარელი ფილმში - „ბნელ სამყაროში“
შონ პენი, HBO - ს სერიალში აშშ-ს მე-7 პრეზიდენტის როლს ითამაშებს
ალისია ვიკანდერმა, შესაძლოა ლისბეთ სალანდერის როლი მოირგოს
„ბეოვულფი: დაბრუნება შიდლენდში“, 2016 წლის მძაფრსიუჟეტიანი - სათავგადასავლო ჟანრის ახალი ამერიკული სერიალი

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა