loading...
„Contracted: Phase II“ - “ინფიცირებული: ფაზა 2“ - განხილვა

ეს საშინელებათა ამერიკული დრამა, რეჟისორმა ჯოშ ფორბსმა გადაიღო და მისი მსოფლიო პრემიერა 2015 წელის 5 ივლისს შედგა. სცენარის ავტორია - ქრეიგ ვალენძიაკი. პროდიუსერებია: ჯ. დ. ლიფშიცი, რაფაელ მარგულესი, ნათანიელ ბოლტინი. ოპერატორი - მაიკ ტესტინი. მხატვრებია: კეტი გოვენი და ალექსანდრა სერნა. ფილმის მონტაჟი რუბენ სებანს ეკუთვნის. ფილმის ხანგრძლივობა - 1 სთ-ი და 18 წთ-ია. მთავარ როლებს ასრულებენ: მეთ მერსერი და მარიანა პალკა. როლებში მონაწილეობენ: მორგან პიტერ ბრაუნი, ანა ლორე, ლორელ ვეილი, პიტერ სილელა, ჯონ ენისი, ნეჯარა ტაუსენდი, რიჩარდ რილი, სიუზან ვოსი.
რაილის ცხოვრება, რომლის მთავარ როლსაც ფილმში, მსახიობი მეთ მერსერი ასრულებს, ერთ საათში დაიმსხვრა მას შემდეგ, რაც თავისი მიზანი აისრულა და მისი ოცნების გოგონას, ლესბოსელ სამანტას „სიყვარულის სამსალას“ დაეწაფა... სექსისგან მიყენებული სიამოვნება წამებში გაჰქრა და „ეშმასეული გატაცება“, ყმაწვილის წყევლის ტოლფასი აღმოჩნდა... ნარკოტიკებსა და სექსურთიერთობებში, არაერთხელ ნაცადმა გოგონამ ბიჭს, რაღაც უცნობი ავადმყოფობა აჰკიდა, რომელიც, როგორც პირველი ფილმში - „Contracted“ – „ინფიცირებული“ - თავად ელისის წვეულებაზე უცნობმა მანიაკმა საკუთარ მანქანაში გაჟიმვისას უსახსოვრა. დილით გოგონამ ძლივს აღიდგინა ღამის სურათი და ისიც შეიტყო, რომ რაღაცით დასნებოვანდა.
რამდენიმე დღეც არ გასულა, რაც რაილმა ნაწილებად დაშლა დაიწყო, ის თანდათანობით ზომბად გარდაიქმნებოდა. მისი დაეხმარება იმ ადამიანს შეუძლია, ვინაც შეგნებულად დააინფიცირა სამანტა, თუკი ის იმ იდუმალი მანიაკის პოვნას შესძლებს, რომელმაც თითქმის ნახევარი ქალაქი დააინფიცირა.
პირველი ფილმის, ორიგინალისგან განსხვავებით, ფორბსის სურათში საიდუმლო არ არსებობს. ფილმის ხილვისას, შუა ნაწილამდეც კი არ ვართ მისული, რომ ჩვენთვის უკვე ცნობილია მანიაკის სახე, რომლის იდუმალებამაც სურათის პირველ ნაწილში, ძალიან დაგვაინტრიგა და მისი ნახევარი წარმატებაც ამან განსაზღვრა. ჩვენთვის ცნობილია ასევე, მოტივებიც და თანამონაწილეებიც, რის გამოც სიუჟეტის ჯოჯოხეთური შინაარსი ისე აორთქლდა, თითქოს არც არსებულა. თავად მეორე ფილმის მთლიანი სიუჟეტი კი - ასევე, არ ბრწყინავს მოულოდნელობების განცდებით...
რაც შეეხება სცენარს, ჩემი აზრით, იგი გაცვეთილ განცდებს გადმოგვცემს და ზოგიერთი პერსონაჟები თავიანთ ქმედებებში, არადამაჯერებლად გამოიყურებიან. მაგრამ ფილმს თავისი დადებითი მხარეებიც აქვს. მისი შემქმნელებმა გაახარეს gore-ეფექტების მოყვარული მაყურებელი დიდი ხნის მივიწყებული სცენების აღორძინებით, რომლებშიც ცნობილი რეჟისორის ლიუჩიო ფულიჩის სულისკვეთების მაგვარ შემოქმედებას, თვალს ვერ ვუსწორებთ...
გარკვეულ სიმპათიებს იწვევს: მთავარი გმირი და მისი მეგობარი გოგონა და ასევე პოლიციელი ქალი, რომელიც უცნაურ მოვლენებში გარკვევას ცდილობს, რასაც ვერ ვიტყვით ერიკ ინგლენდის პირველ ფილმზე.
და ბოლოს. ფილმის ფინალი პრეტენზიას აცხადებს არა მოულოდნელობაზე, არამედ ტრიკველობაზე (სამნაწილიან ფილმობაზე), რომელშიც შეიძლება დადგეს გარყვნილი ზომბი მანიაკის სანატრელი დღე - მსოფლიო აპოკალიფსი! ამ ჟანრის მოყვარულებს გირჩევთ ნახოთ საშინელებათა ფილმი -„Contracted: Phase II“ - “ინფიცირებული: ფაზა 2“, უკმაყოფილო ნამდვილად არ დარჩებით...

ნანახია 328 | 2017-03-23
სხვა სიახლეები
კინოსტსტუდია „სონი“, კომიქსის -“Descender“ (დამშვები) -მიხედვით ფილმს გადაიღებს!
ახალი ფილმის, „მტაცებელი“ - „Predator“, სცენარი უკვე მზადაა
«ტომას კრაუნის აფიორა» (The Thomas Crown Affair) ფილმი, რომელშიც მთავარ როლს მაიკლ ბ. ჯორდანი ითამაშებს!
ოსკარ აიზეკმა შეიძლება „უცხოელში“ ითამაშოს
«სამმაგი საზღვარი» (Triple Frontier) - ფილმი, რომელითაც ჯონი დეპი დაინტერესდა
«მოკალი სტალინი» "Убить Сталина" - სერიალის განხილვა

კომენტარი (0)
avatar
კინო სიახლეები
ნავიგაცია
სიახლე
Загрузка...
მსახიობები ყველას ნახვა
კინო სიახლე ყველას ნახვა
საავტორო მფლობელებისთვისკონტაქტი

© 2015
მაღლა